Prata con sabor amargo para Susana Rodríguez no Mundial de Triatlón Paralímpico 2023 celebrado en Pontevedra

Susana Rodríguez Gacio non puido revalidar o seu título como campioa do Mundo na súa terra.
Dentro do equipo español, Dani Molina fíxose coa medalla de ouro e Marta Francés con outra prata.

O Campionato do Mundo de Tríatlon Paralímpico celebrouse en Pontevedra con títulos en xogo pero tamén con puntos de clasificación para os Xogos Paralímpicos de París 2024. Na cita a galega Susana Rodríguez Gacio aspiraba a revalidar o seu título como campioa do Mundo pero tivo que conformarse coa prata. Logo da competición declaraba que tiña sido “o día máis difícil” da súa carreira.

Gracias PONTEVEDRA, una afición de oro ❤️🤗💪🏻@TRIATLONSP pic.twitter.com/5u3I65hd9S
— Susana Rguez. Gacio (@srgacio) September 24, 2023

España acudía á cita cunha representación de 16 triatletas, sendo a lista máis numerosa ata a data, conseguiu sumar 3 metais, as pratas de Susana Rodríguez (PTVI) e Marta Francés (PTS4) e o ouro de Dani Molina (PTVI). O madrileño logrou impoñerse de novo en Pontevedra, sumando así o seu sexto Campionato do Mundo.

3 medallas para la #triarmada Paralímpica
Oro para Dani Molina en la categoría PTS3, plata para Susana Rodriguez en PTVI y plata para Marta Francés en la categoría PTS4.
Ahora seguimos con las carreras de los Sub23 #PontevedraFinals @santalucia_seg @Paralimpicos pic.twitter.com/tU4yt1JUEU
— FETRI (@TRIATLONSP) September 23, 2023

A paratriatleta galega Susana Rodríguez non puido revalidar o título de campioa do Mundo. Competía en casa e o seu obxectivo non era outro que o de proclamarse Campioa do Mundo por quinto ano consecutivo, pero unha inxusta sanción apartouna da gloria na súa casa.

Segundo se explicaba desde a FETRI (Federación Española de Triatlón), Susana Rodríguez e a súa guía, Sara Loehr, “foron sancionadas no segmento de bicicleta por un suposto bloqueo (segundo Susana Rodríguez Gacio había espazo suficiente para adiantar) a un tándem masculino”.

O problema agravaríase aínda máis cando pararon para cumprir a sanción. Explican desde a FETRI que “a oficial que debía cronometrar a parada non estaba preparada para iso e Susana Rodríguez e Sara Loher perderon moito máis tempo do debido, quedando xa lonxe de pelexar polo ouro que finalmente acabaría conseguindo Franccesca Tarantelo”.

Susana Rodríguez: “É a primeira vez que me pasa”

A deportista olímpica galega entraría en meta segunda a 32 segundos da italiana. “Na segunda volta viñeron uns mozos cun tándem, que son moito máis fortes que nós, adiantáronnos nuns segundos e fixérono pola dereita por que quixeron, porque había sitio polos dous lados, pero o xuíz oficial sacounos unha tarxeta a nós”, apuntaba a deportista galega.

“Era a primeira vez que me pasaba na vida, pero eu se que cando che sancionan tes que parar na seguinte área de penalti box, pero ao chegar alí a oficial estaba apoiada encima da mesa, dicíanos que alí non era, e tras perder non se canto tempo seguimos a carreira, pero eu xa estaba totalmente fóra mentalmente, non sabía nin canto tempo perderamos nin se me ían a descualificar”, comentou Susana Rodríguez tras a competición.