Esta noite (mércores 4 de marzo ás 21:00 horas) o Mecalia Atlético Guardés recibe ao conxunto andaluz do Rincón Fertilidad Málaga. O adestrador das galegas, José I. Prades, non se fía e avisa da dificultade do rival: “Creáronse para estar arriba e chegan feridas”. Esta semana voltan ter dobre competición.
O Mecalia Atlético Guardés segue outra semana máis o esquema de partido de Liga Guerreras o mércores e compromiso continental o domingo. A pasada semana na competición estatal o equipo galego viaxou a Canarias, así que desta volta tócale exercer de anfitrión na Sangriña. Alí, hoxe ás 21:00 horas vai recibir ao Rincón Fertilidad Málaga. O domingo será tempo de Challenge Cup e de volver enfrontarse ao Aula Alimentos de Valladolid, tamén ás 19:00 horas.
De cara ao partido desta noite o calendario, apertado, deixa pouca marxe de preparación ao conxunto que adestra José Ignacio Prades. Unicamente contaron cunha sesión de traballo onte á noite. Un condicionante ao que hai que adaptarse: “É das poucas veces que nos ten pasado isto”, aclara Prades. O Mecalia Atlético Guardés non terá baixas para este cruce.
Prades, adestrador do At. Guardés: “Gañámoslles na primeira volta (26-27), esos puntos valen dobre e quererrán recuperar o golaverage polo que poida acontecer”
Prades agarda un partido “difícil”. Sobre as visitantes di: “É un equipo que se creou para estar arriba”. Nas súa filas, ademáis das ex do Guardés Estela Doiro, Estela Carrera -lesionada-, Reeca Castell ou Paula García, destacan a internacional Sole López, a porteira Alice Fernándes, a arxentina Ro Campigli, a brasileña Juliana Borges… A lista de xogadoras a ter presentes podería continuarse dado que son un sinfín de nomes que compoñen un grupo con máximas aspiracións e que soña con erguer a Copa da Raíña diante da súa afección.
Prades avisa da importancia do golaverage
Así e todo, as de Suso Gallardo gañaron dous encontros e perderon tres. O último xustamente o sábado contra dun loitador BM Salud Tenerife (28-25). “Veñen feridas”, adiante Prades. O técnico local lembra que contra o Guardés “sempre compiten moi ben”. Botando a vista atrás, José Ignacio Prades apunta que as galega gañaron “na primeira volta (26-27), esos puntos valen dobre e quererrán recuperar o golaverage polo que poida acontecer”, incide Prades para remarcar la importancia do partido desta noite.
O adestrador das guardesas quere restar presión ás súas xogadoras e alega que a única responsabilidade ao xogar na casa “é desfrutar, e máis coa nosa afección”.
