Este fin de semana (o 11 de xaneiro, para ser máis exacto) a Liga Guerreiras acollerá na xornada dez o duelo galego entre o Conservas Orbe BM Porriño e o Mecalia Atlético Guardés. Para analizar os intres antes do partido, contamos con José Ignacio Prades (Alicante, 1975), o adestrador do equipo da cidade de A Garda.
Leva catro anos baixo os mandos do primeiro equipo. Renouvou o pasado verán ata xuño de 2020. A pesar de ser adestrador, tamén foi xogador de balonmán. Os seus inicios foron no Reyes Catálicos Petrer. Ademais acadou a medalla de prata ca selección feminina absoluta no Mundial de Xapón.
– As Nosas: Vides de empatar ante o Liberbank Gijón. Como está o equipo cara este duelo galego na xornada 10?
José I. Prades: O equipo chega en bo momento. Temos moitas ganas de desputar o derbi galego. Son partidos moi especiales. Baixo o meu punto de punto penso que ademais teñen todos os ingredientes para ser un gran espectáculo.
– As Nosas: En canto as xogadoras, tedes algunha baixa de cara o partido?
José I. Prades: Hai varias xogadoras tocadas. Esperemos que cheguen o encontro. Aínda que non sexa en plenitude de condicións. As baixas que están seguras son as de Morais e Valero.
– As Nosas: Esta semana viaxades ata Porriño. É un rival forte?
José I. Prades: O rival é o un equipo moi ben traballado. O seu mellor potencial é o bloque. No tema defensivo son moi fiables. Teñen unha gran calidade en ataque con xogadoras moi contrastadas. Trátase dun rival moi forte na súa pista. A competición está moi igualadísima e sería un erro xuzgar o rival pola clasificación.
– As Nosas: Dúas vitorias na última tempada da Liga Guerreiras. Acadaredes a terceira consecutivas nos derbis galegos?
José I. Prades: Nunca é doado gañar fóra da casa. É un partido moi serio e como levamos dicindo é o duele galego. Pero sí que queremos levarnos os dous puntos.
– As Nosas: Agora mesmo sodes 3º na clasificación da Liga Guerreiras, cal é a vosa peza clave?
José I. Prades: Nosa fortaleza creo que radica no grupo. As miñas xogadoras compiten moi ben durante os sesenta minutos. A súa actitude na pista é moi admirable e son moi competitivas.
– As Nosas: A punto de rematar a primeira volta e coa permanencia máis que conseguida, que obxetivo os poñedes de meta para a segunda?
José I. Prades: A igualdade é a constante nesta tempada. Cada punto conseguido é moi importante. Cando finalice a primeira volta con os dous partidos que restan poderemos ver en que situación estamos. Matizaremos os obxectivos pero non iran máis alo de cada partido. O que sí podo afirmar é que seguiremos xornada a xornada. Veremos o que vai a suceder.
