A palabra positivo nunca foi tan negativa. Agardaba o Atlético Guardés un xaneiro intenso e cheo de compromisos en diferentes competicións (Liga Guerreras Iberdrola, Copa da S.M. a Raíña e EHF European Cup). Pero está claro que nesta campaña a COVID-19 é a que marco o ritmo de competición nas diferentes disciplinas. Esta vez tocoulle mudar plans ao balonmán feminino e, máis en concreto, ao equipo da Guarda.
Tras detectarse positivos por COVID-19 nas filas dos seus vindeiros rivais, Elche e Lanzarote – Puerto del Carmen anunciaron dúas e unha xogadora respectivamente, as galegas mudan o seu calendario de compromisos para os próximos días. A primeira consecuencia destes positivos é que a eliminatoria europea contra o Elche xogarase a un único partido. O que aínda queda sen data fixada, é o partido co Lanzarote previsto para o vindeiro mércores (data na que non se poderá xogar).
A EHF European Cup quédase sen partido de ida
O Club Balonmán Elche, rival do equipo galego na eliminatoria correspondente ao Last 16 da EHF European Cup, deu conta á European Handball Federation de dous casos positivos de coronavirus entre as súas xogadoras e do confinamento do resto do plantel.
A EHF confirmou a suspensión do encontro de ida programado para mañá, 10 de xaneiro ás 12:00 horas na Esperanza Lag de Elche.
Segundo informa o Guardés “a día de hoxe está previsto que a eliminatoria se resolva a partido único o vindeiro domingo 17 de decembro ás 19:00 horas na Guarda a condición de que se cumpran coas esixencias sanitarias pertinentes”.
Este encontro representaba a volta á competición europea para o equipo galego que adestra Prades logo de dez meses. Foi entón cando o equipo da Guarda caeu nos cuartos de final da Challenge Cup contra as españolas do Aula Alimentos de Valladolid.
Adiado o partido de Liga Guerreras con Lanzarote
E despois de coñecerse a suspensión do partido europeo, chegou a nova dun positivo por COVID-19 no conxunto isleño do Lanzarote – Puerto del Carmen. Esta situación obriga, por protocolo de prevención de transmisión do coronavirus, a un illamento mínimo de 10 días para o resto de compoñentes da plantilla (por ser contactos directos da persoa infectada).
Esta circunstancia, obviamente, impide que se dispute a oitaba xornada da Liga Guerreras Iberdrola que estaba prevista para el próximo miércoles a las 19:00 horas (horario insular) no Pavillón Municipal de Tías. O partido tiña sido adiantado entre semana polos compromisos europeos.
A Real Federación Española de Balonmán notificou xa aos dous conxuntos o adiamento do choque de Liga Guerreras Iberdrola e marca o día 15 de xaneiro como data límite para que se propoña unha nova data para disputar o partido.
ASÍ QUEDA A AXENDA DO GUARDÉS TRAS OS CAMBIOS
SUSPENDIDO
- EHF European Cup | IDA Last 16
- Club Balonmán Elche – Club Bm. Atlético Guardés
- Domingo 10 de xaneiro ás 12 horas, Pavillón Esperanza Lag de Elxe
- Árbitros: Evangelos Syrepisios e Michail Mertinian (Grecia). Delegada EHF: Carmen Manchado.
MANTENSE
- EHF European Cup | VOLTA Last 16
- Club Bm. Atlético Guardés – Club Balonmán Elche
- Domingo 17 de xaneiro ás 19 horas, A Sangriña (A Guarda).
- Árbitros: Stephen Martens (Bélxica) e Yves Schols (Países Baixos). Delegado EHF: Pablo Permuy.
APRAZADO
- Liga Guerreiras Iberdrola | Grupo A | Xornada 8
- Lanzarote – Puerto del Carmen – Club Bm. Atlético Guardés
- Mércores 13 de xaneiro á 19:00 hora insular. Pavillón Municipal de Tías.
MANTENSE
- Liga Guerreiras Iberdrola | Grupo A | Xornada 9
- Club Bm. Atlético Guardés – Super Amase Bera Bera
- Sábado 23 de xaneiro ás 19:00 horas. Pavillón da Sangriña (A Guarda).
MANTENSE
- XLII Copa de SM a Raíña | IDA Segunda fase
- Zubileta Evolution – Bm. Zuazo – Club Bm. Atlético Guardés
- Mércores 27 de xaneiro (hora por confirmar), en Lasesarre (Barakaldo).
MANTENSE
- XLII Copa de SM a Raíña | VOLTA Segunda fase
- Club Bm. Atlético Guardés – Zubileta Evolution – Bm. Zuazo
- Sábado 30 de xaneiro ás 19:00 horas, na Sangriña (A Guarda).
