O Durán Maquinaria Ensino de Lugo vén de comunicar que o partido de volta dos play-off polo título da Liga Feminina Endesa que tiñan previsto disputar con Valencia ten que ser adiado até novo aviso logo de detectarse un caso positivo en COVID-19 no conxunto galego
Segundo informa a entidade lucense “tras as últimas probas levadas a cabo a toda plantilla do Durán Maquinaria Ensino Lugo, se ten detectado un caso positivo en COVID-19″.
No Ensino explican que están á espera doutra análise que descarte que se trate dun falso positivo pero, aínda así, xa se comunicou ao Valencia Basket e á Federación Española de Baloncesto este caso positivo en coronavirus para procecer a illar a todo o equipo até que se coñezan os novos resultados”.
O caso positivo detectouse nos test para o partido do domingo
Desde o Ensino puntualizan que o martes, realizouse, dentro do espazo de 72 horas antes do partido fixéronse probas a toda a plantilla. E explican que o test que detectou o caso positivo en COVID-19 é froito dunha segunda proba realizada de cara ao partido do domingo.
Na súa conta na rede social Twitter o Durán Maquinaria Ensino declara que o club “sempre ten xestionado de xeito escrupuloso e protexendo ás súas xogadoras o tema COVID“. Engaden que “en máis de 30 xornadas temos traballado de xeito impecable”. E rogan “que non se conxeture sen coñecemento”
O partido de cuartos de final da Liga Endesa que se aprazada, por mor da activación do protocolo de prevención da COVID-19, estaba previsto para disputarse o domingo 4 de abril no Pavillón Municipal Fuente San Luis de Valencia. Na ida, disputada o pasado mércores, as galegas perderan por un marcador de 58-69.
O resto dos partidos de volta de 1/4 da Liga Endesa son:
- CB Avenida vs CB Islas Canarias | Sábado – 18:00 horas
- Uni Girona vs CB Clarinos | Sábado – 19:00 horas
- GKesb vs Movistar Estudiantes| Domingo – 21:00 horas
