O Liberbank Gijón lévase a vitoria do Pavillón Municipal de Porriño por unha renda de sete goles ante o Conservas Orbe Porriño (23-30), correspondente a xornada 13 da Liga Guerrera Iberdrola. Pero a conta “pendente” da que falaba Isma Martínez para este medio, o adestrador das porriñense, aínda pode estar viva xa que a semana que ven (o 15 de febreiro) volverán a verse as caras na volta da segunda fase da Copa da Raíña.
O partido comezaba cunha gran penetración de Fátima Suaré polo costado dereito subindo o primeiro ao electrónico. Rapidamente, iba a responder Cecilia Cacheda, das asturianas, que regresaba a que foi a súa casa durante dez anos tras deixar o club o pasado verán.
Aos dez minutos, as locais iban a poñerse un gol por diante cun 6 a 5 no marcador. Pero, as paradas de Raquel Álvarez iban a ser claves para manter ao Liberbank enchufado no encontro que decantaríase ao seu favor no ecuador da primeira parte cun 9 a 11. Isma Martínez veuse obligado a parar ó encontro. Pediu concentración as súas e apostou por unha defensa máis aberta. As porriñensas perderon balóns que alimentaban as contras das asturianas, que pecharon a primeira metade cunha vantaxe de catro goles: 11 a 15.
“A pesar da recibir 15 goles dos cales oito foron desde os sete metros, baixo o meu punto de vista, creo que foi no momento que estivemos máis metidas no partido. Xogamos moi ben posto que sabíamos onde facerlles dato sobre todo ofensivamente”, comentou a post partido, Isma Martínez, para As Nosas.
Isma Martínez (Porriño): “O partido divídese en dúas partes e na segunda, sen dúbida, o Liberbank mereceu gañar”
A reanudación traería dúas grandes protagonistas: Raquel Álvarez co seu repertorio de paradas e Cecilia Cacheda, con 10 tantos, converteríase na máxima goleadora do partido. Todo iso, para endosar un parcial de 0 a 4 co que ampliarían a vantaxe no electrónico cun 18 a 26. Unha diferenza que Conserva Orbe Porriño non poido reducir.
O traballo coral das asturianas tanto en defensa como no ataque seguía dando os seus froitos. A falta de cinco minutos para o asubío final, as da comunidade veciña tiñan a vitoria asegurada. Os últimos minutos foron un monólogo visitante que finalmente certificaron a novena vitoria da tempada: 23:30.
“Houbo dúas partes difenciadas. Sen dúbida na segunda foron moito mellor e a favor do marcador. Souberon xogar coa nosa ansiedade e ao final colleron unha renda moi merecida. Nos tivemos moitos erros a niveis de defensa e estivemos moi frouxas. Mereceron gañar“, concluíu sobre a cita o adestrador porriñense.
Esta disputa sobre a pintura entre o Liberbank e o Porriño. Na próxima semana, a máxima competición, a Liga Guerreras Iberdrola terá un parón. Pero non será un descanso para os equipos senón xogaran a volta da segunda fase da Copa da Raíña. O cal poderemos saber se Porriño e Guardés estarán no pequeno torneo que terá lugar na cidade de Málaga. Polo que o 15 de febreiro, Liberbank Gijón recibirá en Xixón ao Conserva Porriño.
FICHA TÉCNICA
CONSERVAS ORBE BM PORRIÑO: Isabel Cerqueira, Ana Alonso, Barbara Cerqueira, Alicia Canto, Ines Hernández, Fátima Ayelen, Soraia Vieira, Aitana Santome, Andrea Dapena, Anthia Espiñeira, Sandra Fernández, Iasmin dos Santos, Nagore Saenz, Fátima Sisse e Begoña Otero.
BMC LIBERBANK GIJÓN: Raquel Álvarez, Marta Méndez, Laura Rivas, Marizza Faria, Cecilia Cacheda, Leticia Cobo, Debora Torreira, Estefania Ruiz, Natalia Montilla, Lorena Tellez, Aida Palicio e Giuliana Gavilan.
MARCADOR CADA 5′: 3-2, 6-5, 6-6, 8-9, 10-11, 11-15, 14-18, 16-21, 18-24, 19-27, 20-28, 23-30.
ÁRBITROS: Lucas Crespo Gómez e Pedro Eiras Abalde.
INCIDENCIAS: Partido correspondente a xornada 13 da Liga Guerreras Iberdrola no que se enfrontaron o Conservas Orbe BM Porriño e o Liberbank Gijón no Pavillón Municipal de Porriño.
