O Conservas Orbe Rubensa BM Porriño e o KH-7 Bm Granollers disputaron este mércores un encontro moi igualado, que finalizou cun 23-26 no marcador a favor das visitantes. O partido, enmarcado na sétima xornada da Liga Guerreras Iberdrola, celebrouse no Polideportivo Municipal de O Porriño a porta pechada.
As galegas chegaban a este encontro con ganas dunha vitoria tras perder fronte ao entón colista do Grupo B no que están encuadradas nesta fase da competición na Liga Guerreras, o Adesal Córdoba, na xornada anterior, e con ilusión xa que unha das dúas vitorias que os sitúan na quinta posición da táboa foi ante o entón líder do seu grupo, o Rocasa Gran Canaria.
No caso do partido co KH-7 Bm Granollers o conxunto que prepara o adestrador Isma Martínez sabía que este encontro ía ser complicado. Para empezar non pudieron contar con Alba Dapena por baixa. Ademais enfronte tiñan a un rival que non perdeu ningún partido.
Un tira e afloxa constante
De todas formas, o Porriño estivo moi preto neste partido de poder levarse os dous puntos en xogo. Todo o encontro estivo moi parexo e por momentos parecía que a vitoria ía ser para as xogadoras de Isma Martínez, mentres que só minutos despois as catalás adiantábanse pola mínima no marcador.
No arranque da primeira metade as xogadoras locais foron gañando pola mínima, pero a partir do minuto 15 o Granollers colleu o mando do partido e comezou a marcar o ritmo e a aumentar o seu marcador.
Así, o partido chegou ao descanso cunha lixeira diferencia de 11-12 a favor das catalás, grazas a unha boa defensa e grandes intervencións na portería das locais. Na segunda metade o encontro decantouse máis polo equipo visitante, que seguiu collendo máis vantaxe no resultado, cun bo ataque e o bo partido da súa gardameta Nicole Wiggins.
As molestias físicas de xogadoras do Porriño non afectaron o xogo
Antes deste partido Isma Martínez era consciente de que nas filas do equipo que adestra tiña a varias xogadoras tocadas. Neste sentido, eran dúbida para o duelo fronte ao Granollers varias deportistas. En concreto, Anthía Espiñeira, Erica Tavares e Arima López estaban con molestias físicas. Afortunadamente poideron disputaron o encontro e, de feito, entre as tres marcaron un total de catro goles.
A excelente actuación de Soraia Lopes, que tamén se encontraba entre algodóns, foi do máis destacado do partido. Lopes marcou nove goles para o equipo local sendo a maior anotadora de ambos conxuntos, pero isto non foi suficiente para que as galegas puntuasen e o encontro terminou por decantarse por un tanteo de 23-26 a favor das visitantes.
As galegas do Conservas Orbe Rubensa BM Porriño finalizan esta primeira parte da Liga Guerreras ocupando a quinta posición, na metade inferior da clasificación. O conxunto porriñés terá agora un longo período para traballar nos seus erros, pulir defectos no xogo e mellorar aqueles puntos fortes que consideren de cara aos próximos partidos. A competición ten un parón nesta categoría que fai que os partidos non se retomen até xaneiro do 2021.
https://twitter.com/IberdrolaDHF/status/1326621346550456322
FICHA TÉCNICA
23 ) CONSERVAS ORBE RUBENSA BM PORRIÑO: Ana Cerqueira (1), Alicia Campo (3), Andrea Amarilla, Erica Tavares (1), Inés Hernández (1), Fátima Aleyén, Soraia Lopes (9), Aitana Santomé (1), Arima López (2), Estela Carrera, Anthia Espiñeira (1), Sarai Samartín (1), Mónica Soares (3), Sandra Fernández, Carme Castro e Begoña Otero.
26 ) KH-7 BM GRANOLLERS: Nicole Wiggins, Anna Colomer, Mireia Torras (2), Miriam Kofler, Lora Sarandeva (3), Giulia Guarieiro (3), Ona Vegue (1), Carmen Prelchi (5), Marta Mera, Ana González (6), Jana Castañera (3), Janna Sobrepera e Martina Capdevila (3).
RESULTADO CADA 5 MIN.: 4-4, 6-5, 7-6, 8-9, 9-10, 11-12 ( descanso ) , 11-14, 14-16, 14-19, 16-20, 19-22, 23-26 (final).
ÁRBITRA: Lucas Crespo e Pedro Eiras
INICIDENCIAS: Partido correspondente á 7ª xornada da Liga Guerreras Iberdrola disputado no pavillón municipal de O Porriño.
