O Conservas Orbe Porriño perde na súa visita ao País Vasco ante o Zubileta Evolution BM Zuazo por 29 a 24 no Polideportivo Lasesarre.
Na primeira metade, na cancha vasca o dominio o tiña o conxunto porriñense. Estiveron por riba con diferenzas moi pequenas pero sempre intentando poder sentenciar para poder levarse a vitoria. Ao descanso, ían un por riba (12-13)
“Estivemos por riba ata o minuto 45 da segunda metade. Comezamos moi ben. Ao final da primeira metade pudimos coller unha renta grande pero cometemos moitos erros” comentou Isma Martínez, o adestrador do Conservas Orbe Porriño para As Nosas.
As perdas de balón volveron a ser o pesadelo do Porriño
Tralo paso polos vestiarios, as tornas cambiaron. As do Zuazo comezaron a sentirse cómodas na súa pista e rendabilizaron de maneira positiva os erros das de O Porriño. As pérdidas de balón volveron a ser o pesadelo das xogadoras de Isma Martínez. A tan só 10 minutos do final no electrónico xa marcaba unha diferenza de catro puntos que se subiría un gol máis no final (29-24)
“Faltounos aire a partir do minuto 15. Os erros eran continuos e non fumos capaz de frenar as pérdidas de balón. Deixamos de defender. Creo que perdemos máis de dous puntos porque é un golaverage moi difícil de remontar na nosa casa, en Porriño”, sinalou Isma Martínez.
A úndecima é na posición da táboa (aínda quedan partidos por disputar) da Liga Guerreras na que queda o equipo porriñense tralo partido na xornada 11. Na seguinte, volven a desplazarse pero máis preto. No pavillón municipal de Alcobendas Amaya Valdemoro, enfrontaránse o venres (31 de xaneiro, ás 21 horas) contra o Helvetia BM. Alcobendas.
FICHA TÉCNICA
ZUBILETA EVOLUTION BM ZUAZO: Alba Sánchez, Estibaliz Velasco, Ainhoa Fernández, Oihane Manrique, Alexandra Gil, Ariadna González, Maider Barros, Maddi Aalla, June Loidi, Ane Encina, Anne Erauskin, Maddi Bengoetxea, Naylas de Andres, Magdalena Fernández e Amaia González.
CONSERVAS ORBE BM PORRIÑO: Ana Cerqueira, Ana Alonso, Bárbara Cerqueira, Alicia Campos, Inés Hernández, Fátima Ayelen, Soraia Vieira, Aitana Santome, Andrea Dapena, Alba Dapena, Sarai Samartin, Anthia Espiñeira, Iasmin Dos Santos, Fátima Sisse e Begoña Otero.
MARCADOR CADA 5’: 2-3, 3-6, 6-10, 9-11, 11-11, 12-13, 13-14, 15-17, 18-18, 22-18, 25-21, 29-24.
ÁRBITROS: Pedro Cubas Martínez e Gabriel López Martos.
INCIDENCIAS: Partido correspondente a xornada 11 da Liga Guerreras no que enfrontou ao Zubileta Evolution BM. Zuazo contra o Conservas Orbe BM Porriño no Polideportivo Lasesarre.
