O Conservas Orbe Porriño perdeu o pasado sábado, 29 de febreiro, na casa do líder da Liga Guerreras Iberdrola, o Super Amara Bera Bera. As locais impuxéronse por tan só cinco goles de diferenza: 27 a 22. As galegas, a poucos minutos do asubío final colocáronse a dous goles. As máximas goleadoras porriñenses foron Inés Hernández e Soraia Vieira con cino tantos cada unha.
“Competimos moi ben, estivemos a un gran nivel na segunda parte. Saímos sabendo que poderíamos sacar algo. Se chegáramos a crer en nós, tivemos balóns de sobra para poñer en apertos ao líder invicto que está sacando resultados na casa moi amplios”, comentaba o adestrador do Porriño, Isma Martínez, para As Nosas.
Na primeira metade, as nosas xogadoras non saíron moi concentradas. Tiveron malas situacións de lanzamentos e practicamente non tiñan ningunha oportunidade de ataque. As locais puxéronse por diante cun parcial de 4 a 0, co final manteuse ao final.
“Os 15 primeiros minutos non nos atopábamos na pista. Non estábamos xerando as sensacións claras e é o que nos está pasando este ano. Cando maduramos o xogo, as tornas cambiaron e competimos a un nivel moi alto. Tivemos as nosas opcións e nos puxemos a dous goles. Faiamos dúas ocasións moi claras e por iso fóisenos o partido”, engadía Martínez.
Esta semana tamén teñen unha cita importante ante o Club Balonmano Elche, o sábado 7 de marzo, ás 18.00 horas no municipal do Poriño.
FICHA TÉCNICA
SUPER AMARA BERA BERA: Ainhoa Larrañaga, Esther Arrojeria, Mariane Oliveira, Manuela Pizzo, Nekane Teres, Alba Menendez, Emma Boada, Maitane Echeverria, Elisabet Cesareo, Adriana Cardoso, June Ruiz, Silvia Arderius, Ainhoa Etxeberria, Mirene Moreno e Renata Lais.
CONSERVAS ORBE PORRIÑO: Ana Cerqueira, Ana Alonso, Barbara Cerqueira, Alicia Campo, Inés Hernández, Fatima Ayelen, Soraia Vieira, Aitana Santome, Andrea Dapena, Anthia Espiñeira, Sarai Samartin, Sandra Fernánez, Iasmin dos Santos, Nagore Saenz, Fatima Sisse e Begoña Otero.
MARCADOR CADA 5′: 4-1, 8-4, 12-6, 14-9, 15-10, 17-12 (ao descanso), 18-13, 20-14, 21-16, 23-17, 24-21, 27-22 (final).
ÁRBITROS: Antonio Javier García del Salto e José Antonio Huertas Herrador.
INCIDENCIAS: Partido correspondente a xornada 15 da Liga Guerreras Iberdrola disputado no Polideportivo Municipal Bidebieta entre o Super Amara Bera Bera e o Conservas Orbe BM Porriño.
