Esta fin de semana (1 e 2 de maio) chegamos ao final da competición autonómica na categoría xuvenil coa celebración das Final Four feminina e masculina de balonmán.
Esta cita deportiva terá lugar no Pavillón Municipal de O Porriño durante a fin de semana e os partidos do domingo serán retransmitidos polo streaming da Federación Galega de Balonmán. O sábado pola mañá celebraranse as semifinais. O partido Calfrima Carballal – SAR Ledisson comezará ás 10:00 horas e o Balonmano Porriño – U.B. Lavadores está previsto para as 12:00 horas.
Ao día seguinte celebraranse, nos mesmos horarios dentro desta Final Four disputarse a loita polo terceiro posto e a continuación, a gran final. Nesta oportunidade, todos os partidos serán transcendentes xa que hai tres prazas en xogo para a participación na fase estatal, polo que o partido polo terceiro posto terá unha enorme importancia.
No acto de presentación da Final Four de O Porriño, no propio pavillón municipal, no que participaron o concelleiro de Deportes do Porriño, David Alonso; o xefe provincial de Deportes de Pontevedra, Daniel Benavides; e unha nutrida representación da xunta directiva da Federación Galega de Balonmán, encabezada polo seu presidente, Bruno López Molina.
A Final Four masculina disputarase tamén esta fin de semana en Pontevedra
Con respecto á Final Four masculina, cabe sinalar que se celebrará no Pavillón Municipal de Pontevedra, tamén con streaming para a xornada do domingo.
Aquí a competición será pola tarde. Ás 17:00 horas comezará o choque A.D. Carballal – Luceros e ás 19:00 horas disputarase a outra semifinal (Cisne Balonmano Colegio los Sauces – Laber Xiria).
O domingo 2 de maio, a xornada comezará ás 17:30 horas coa celebración da loita pola terceira posición (o gañador disputará a fase estatal, igual que na categoría feminina) e a continuación (19:30 horas) teremos a final, entre os gañadores das semifinais do día anterior.
