Mecalia Atlético Guardés e Conservas Orbe Rubensa BM Porriño deron comezo ao segundo ecuador do campionato doméstico cun pleno de triunfos que os afianza un pasiño máis preto dos seus respetivos obxectivos.
Fixérono ademáis, en encontros nos que se adoita dicir que valen tres puntos, pois foron ante rivais directos na táboa clasificatoria coma as vallisoletanas e as barakaldesas, inmediatas perseguidoras dos conxuntos galegos.
O Guardés segue sen ceder puntos na Sangriña
O Mecalia Atlético Guardés está a asinar un arranque de ano inmaculado como local cun pleno incontestable de vitorias no seu feudo.
O conxunto adestrado nesta ocasión por Abel González, en substitución do recentemente operado José Ignacio Prades, recibía na Guarda a un dos riviais directos na loita por acadar a clasificación aos postos de acceso a clasificación continental, o Caja Rural Aula Valladolid presentábase na Sangriña, empatado a puntos coas locais, nun duelo que serviría para calibrar as opcións continentais dun e doutro equipo.
A pesares dunha entrada un tanto errática no encontro, que lles custou ás xogadoras dirixidas por González acadar un 1-4 no primeiro parcial, o conxunto miñoto soubo refacerse a base do bo seu bo facer ofensivo e asestoulle un 6-0 ás pucelanas co que recobrar a vantaxe no electrónico.
Deste xeito, as da Guarda puideron cheirar o sangue e volcáronse sobre a meta visitante ata irse ao tempo de descanso cunha cómoda renta de seis tantos, sustentada principalmente no enorme labor defensivo do bloque baixo e da gardaredes bonaerense, Marisol Carratú.
Logo da saída de vestiarios, as xogadoras adestradas esta xornada por González aumentaron a súa renda ata os oito tantos, mais as vallisoletanas, lonxe de darse por vencidas, foron quen de pór en apretos ao conxunto miñoto recurtando distancias nos compases finais do encontro.
Finalmente, a aportación ofensiva de Gabriela Pessoa, con 11 tantos, e de Carla Gómez, con nove dianas, foron claves para que os puntos ficasen a beiras do Miño e para que o conxunto miñoto puidese adiantar na táboa ás súas rivais, situándose na cuarta posición da clasificación.
+2
🥳 Da gloria comezar así a segunda volta.
🔥 Extraordinario apoio da nosa xente no Inferno.
🔝 Fabuloso partido de todo o equipo fronte un grandísimo rival como @BmAulaCultural
💪 Seguimos.#onosoInfernoéonosoceo 🖤💛 pic.twitter.com/Vh2EZMYWZ1— Mecalia Atlético Guardés (@Atlguardes_ofic) February 12, 2022
O Porriño cárgase de moral antes do derbi
O Conservas Orbe Rubensa Bm Porriño gañou o pasado sábado un dos encontros máis importantes do que vai de tempada. A súa visita a Barakaldo para medirse ao Zuazo era todo un ‘matchball’ para garantirse unha cómoda existencia na clasificación ou pola contra para ver un pouco máis de preto o abismo.
Os primeiros compases do encontro en Lasesarre puxeron de manifesto o imperante respecto que se profesaron ambos conxuntos durante a totalidade da contenda. O BM Porriño, rezagado ante un Zuazo que entrou moi enchufado, resistíu o empuxe local nos primeiros minutos e pouco a pouco foille gañando a car ao encontro.
Non obstante, moi cedo chegaría un xerro de auga fría para as xogadoras adestradas por Ismael Martínez, pois a súa estrela, a canaria Haridian Rodríguez recibía un cartón vermello logo de golpear na cara co balón á porteira local na execución dunha pena máxima que ela mesma provocara.
Lonxe de arrugarse ante este contratempo, o equipo pontevedrés deu un paso adiante e logrou dominar o electrónico ata a chegada do tempo de descanso á que se foi cun axustado 11-12.
Trala reanudación, o partido mantivo o mesmo guion, cun Zuazo presionante arriba pero sen fluidez ofensiva e cun Porriño que sabía como minimizar as súas carencias e castigar ao contraataque a nula efectividade local.
A arxentina Micaela Casasola colleu a testemuña da súa compañeira expulsada e liderou o ataque porriñés con sete tantos claves para traer os dous puntos da visita ao País Vasco.
Final do partido, as nosas impóñense en Lasesarre e poñen terra de por medio na clasificación‼️@CbmZuazo 19🆚Conservas Orbe Rubensa Bm Porriño 22
📷 @aglphotosports #LigaGuerrerasIberdrola pic.twitter.com/Vkv2lbkxtt
— Club Balonmano Porriño (@BmPorrino) February 11, 2022
Semana de derbi
A vindeira fin de semana o balonmán feminino galego terá a súa xornada de festa co enfrontamento entre ambas escadras. O partido terá lugar desde as 17:00 horas do vindeiro sábado, 18 de febreiro, no Municipal do Porriño, e nel o conxunto adestrado por Ismael Martínez tratará de tomar revancha da vitoria do Guardés no encontro da primeira volta.
Comezamos a semana coa mente posta no #ODerbidasNosas deste sábado‼️
🏟️ Esta vez, na nosa casa, o Pavillón Municipal do Porriño
Estades preparadas @Atlguardes_ofic ? 🤜🤛
📸 @xoelgil pic.twitter.com/mUuj5hppnX
— Club Balonmano Porriño (@BmPorrino) February 14, 2022
