Dous clubs galegos femininos chegan á Fase Final do Campionato de España Xuvenil de balonmán. O Conservas Orbe Rubensa Porriño e a AD Carballal están entre os oito mellores clubs de todo o territorio estatal.
O conxunto conserveiro do Porriño acadou a súa clasificación tras un pleno de vitorias, sendo superior a todos os seus rivais na fase anterior. No caso do Carballal, as galegas tiveron que clasificarse vencendo na última xornada ao Kukullaga en Etxebarri, nun partido axustadísimo que rematou nun 21-22. Como representación galega competiu tamén o Lavadores, que disputou a fase estatal nas Canarias, pero non puideron clasificarse para a final.
Fase Final Campeonato de España|
Nuestras juveniles estarán en el Grupo 2 junto con:🔵 @cbm_elche , @HandbolStVicenc y @BalonmanoGijon
👉🏾 Se disputará entre el 26 al 30 de mayo en Torrevieja#CDEJuvenilBM
📸 @xoelgil pic.twitter.com/XabgsMnvn6
— Club Balonmano Porriño (@BmPorrino) May 17, 2021
A última fase da competición celebrarase en Torrevieja (Alacante), entre o 26 e o 30 de maio. A AD Carballal competirá no grupo I, co Avannubo La Roca, Soliss Pozuelo de Calatrava e o Torrevieja Salud Mare Nostrum. Pola súa banda, o Porriño o fará no grupo II contra o Elche Tufarmaciaelche.es, o Handbol Sant Vincenç e o Balonmano Gijón.
Segundo informa a Federación Galega de Balonmán, a categoría masculina o equipo clasificado foi o Club Cisne Colegio Los Sauces, que pasou de fase no sector celebrado en Pontevedra pola diferenza de goles. O equipo pontevedrés empataba a puntos co Ademas León, e no seu enfrontamento o resultado foi un 24-24, o que obrigou a decidir o clasificado polo total de goles anotados na competición. O Cisne formará parte do grupo II na fase final e xogaráa contra o Elda Centro Excursionista Eldense, o Cajasur Córdoba e o KH-7 Granollers.
O Luceros caeu na última xornada derrotado polo Granollers, polo que non participará na fase final. Tampouco o fara o Xiria, que quedou terceiro cunha vitoria, un empate e unha derrota.
Todos os encontros poderán seguire vía streaming no Youtube da Real Federación Española de Balonmano.
