Xa temos campións galegos na categoría xuvenil. O BM Porriño logrou o título na categoría feminina tras superar al Carballal, mentres que o Cisne Colegio Los Sauces é o campión na categoría masculina, despois de vencer al Luceros, segundo informa a Federación Galega de Balonmán.
Na loita polo entorchado xuvenil feminino, o BM Porriño A logrou proclamarse campión galego, tras superar ao Calfrima Carballal nunha disputada final.
Ambos os conxuntos chegaron invictos á Final Four (non se enfrontaron entre eles) e nas semifinais foron moi superiores aos seus rivais (SAR Ledisson e UB Lavadores).
A final estivo moi igualada de principio a fin, proba diso é o resultado final (27-28) e o feito de que en ningún momento ningún dos dous equipos logrou escaparse no marcador.
Comezamos o día felicitando a todas as nais do balonmán galego e as rapazas do @BmPorrino remataron o partido no que se proclamaron campioas galegas con rosas para as súas nais. Fermosas imaxes de Brais Míguez. #SomosFamilia pic.twitter.com/GEBtIzodRb
— Federación Galega Balonmán (@fgabalonman) May 2, 2021
Revive a final entre BM Porriño A e o Calfirma Carballal
Ambos os conxuntos están clasificados para a fase estatal xunto ao UB Lavadores, que venceu na loita pola terceira posición á SAR de Redondela (24-21).
A UB Lavadores acadou a 3ª posición na Final Four Xuvenil Feminina que se está a celebrar no Porriño! O conxunto vigués superou á SAR Ledisson (24-21) nun emocionante partido. Praza para o Lavadores na fase estatal!! Noraboa para a @UB_Lavadores e moito ánimo para a @sarbalonman! pic.twitter.com/99ZVTVuKMi
— Federación Galega Balonmán (@fgabalonman) May 2, 2021
Revive o partido entre UD Lavadores e SAR Ledisson
FICHA TÉCNICA
27) CALFRIMA CARBALLAL: Cintia Iglesias, Sara Román (5), Area Martínez, Carla Rodríguez, Lorena Vaello, Uxía Castro, Lara Fabián (4), Lucía Navarro, María Tomé (2), Carlota Quintana, Yaiza Alonso (6), Helena Sánchez (3), Marian Mera, Iria Sánchez-Puerta, Eva Fernández (2), Yaiza Fernández e Lucía Villamarín (5).
28) BM PORRIÑO A: Ithaisa Trigo (2), Laura Magdaleno (5), Carla Baltasar (1), Marta da Silva (9), Athenea Barreiro (1), María Lago, Belen Amarilla, Inés Pereiro, Anastasija Doder (4), Alba Mera, Lucía Méndez (5) e Carla Rivero (1).
ÁRBITROS: Elena Rivas e Julio Villanueva. Excluíron dous minutos a Area Martínez, Carlota Quintana e Yaiza Alonso (Carballal) e a Ithaisa Trigo (2), polo Porriño.
PARCIAIS CADA CINCO MINUTOS: 3-1, 3-3, 5-4, 8-6, 9-9, 12-13 (descanso) 13-17, 18-19, 20-20, 22-23, 24-25, 27-28.
INCIDENCIAS: Final do Campionato Galego de balonmán feminino, disputada no Pavillón Municipal de O Porriño, con público nas bancadas aínda que con limitado aforo por mor da pandemia de COVID-19.
O Cisne Colegio Los Sauces, campión galego masculino xuvenil
Na categoría masculina, o Cisne Colegio Los Sauces cumpriu co seu papel de favorito e proclamouse campión galego na categoría xuvenil, tras vencer no Pavillón Municipal de Pontevedra ao Luceros.
Na primeira parte, o conxunto pontevedrés foi netamente superior (ao descanso 11-20), pero na segunda metade o xogo complicouse coa exclusión de Román Arboleya, primeiro e do técnico do Cisne despois.
O partido desordenouse un pouco e nesta situación o Luceros estaba máis cómodo e foi recortando distancias ata poñerse a catro goles a falta de cinco minutos (26-30). que desordenou o xogo e permitiu ao Luceros, con alma, esforzo e corazón, recortar distancias ata poñerse a catro goles a falta de cinco minutos (26-30).
Nestes instantes finais, o Cisne xogou con cabeza e tirou dos seus pesos pesados para pechar o triunfo cun 29-34 a favor dos pontevedreses.
Na loita pola terceira praza para a fase estatal impúxose o Laber Xiria ao Carballal por 28-30, nun partido no que o Xiria foi sempre por diante. O conxunto vigués pareceu acusar o golpe da eliminación do día anterior ante o Luceros, na prórroga, xa co tempo finalizado, nun lanzamento de sete metros, que entrou chorando tras tocar o porteiro.
Revive a final masculina entre Luceros e Cisne Colegio Los Sauces
FICHA TÉCNICA
29) LUCEROS: Pablo Rodríguez (2), Carlos Menduíña, Manuel Pérez (5), Pablo Fernández (1), Manuel Barreiro (4), Elias Aakcha, Víctor Manuel Cotas, Yerom Alfaya, Nicolás Millán, Rubén Augusto (8), José Manuel Meira (2), Alejandro Martínez, Iván Táboas (1) e Gael Blanco (6).
34) CISNE COLEGIO LOS SAUCES: Miguel Pérez, Carlos Álvarez (9), Enrique Domínguez (2), Diego López (4), Rafael Logroño, Román Arboleya (3), Eduardo Costa, Martín Santos (1), José Cerqueiro, André de Moura (4), Dani Virulegio (11), Javier Sierra e Mario González.
ÁRBITROS: Abel Juncal E Alberto Rodríguez. Descalificaron a Román Arboleya (min. 32) e tamén ao adestrador do Cisne, Víctor Efrén (min. 48). Excluíron dos minutos a Manuel Barreiro, Yerom Alfaya, Alejandro Martínez e Gael Blanco, pola banda de Luceros, así como a Dani Virulegio, pola banda do Cisne.
PARCIAIS CADA CINCO MINUTOS: 1-4, 3-8, 5-11, 6-13, 8-16, 11-20 (descanso) 14-22, 17-23, 18-27, 22-29, 26-30, 29-34.
INCIDENCIAS: Final do Campionato Galego Xuvenil Masculino disputado no pavillón Municipal de Pontevedra.
