Entre o 14 e o 16 de maio o pavillón municipal do Porriño será a sede da fase de acceso ao Campionato de España Xuvenil. Do sector A, no que compiten as xogadoras do Conservas Orbe Rubensa, poderá saír o próximo equipo que competirá no Campionato de España de Clubs.
Dentro deste grupo enfrontarase o Amfm Moya Tilover, de Canarias, o Aiala Zke, de Euskadi e o Oviedo Bm Femenino, de Asturias, ademas das propias galegas.
Os partidos disputaranse o venres 14 ás 19:00 e ás 21:00 horas, mentres que os horarios do sábado 15 serán ás 16:00 e ás 18:00 horas. No domingo o primeiro encontro terá lugar ás 09:30 horas e o segundo ás 11:45 horas.
Todos eles poderán seguirse en directo vía streaming a través do Youtube do Club Balonmano Porriño.
