Sufrido e loitado até, literalmente, o último segundo, así foi o triunfo que as isleñas do Balonmano Salud Tenerife colleitaron na cancha do Conservas Orbe Rubensa BM Porriño. As tinerfeñas venceron 25-26. As galegas, que tiveron a última posesión do partido viron como o disparo que lles podía dar o empate petou no poste. Curiosamente, na primeira volta, o partido rematar con empate a 25, e nesta ocasión estivo a piques de rematar con empate a 26 goles.
As de Lolo Galván foron por diante no electrónico desde o arranque do choque e non deixaron de facelo. A súa máxima vantaxe foi de nove goles por encima das de Isma Martínez (11-20).
Na segunda metade o Conservas Orbe Rubensa BM Porriño foi reducindo a fenda e recurtando distancias no electrónico ata chegar ao final do encontro co partido aberto. O curto banco das do barrio de La Salud (so tiña 10 xogadoras de campo) fixo que a intensidade do seu xogo fose esmorecendo co paso dos minutos. Pero a remontada das galegas non tivo premio final.
O último ataque do Porriño
Nun final de infarto Ana Cerqueira colocou o 25-26 no marcador a 45 segundos do final. E con 20 segundos para que pitase a bucina o BM Porriño recuperou a posesión e fixo un último intento de perforar a meta tinerfeña. O balón deu en dous paus e non entrou, polo que, nesa xogada, a sorte aliuse coas canarias que levaron o trunfo na maleta.
Deste xeito o Balonmano Salud Tenerife mantense quinto, un posto por riba das galegas que so sextas no Grupo B desta primeira fase da Liga Guerreras Iberdrola.
🤾♀️ A remontada do @BmPorrino non tivo premio 🆚 @BalonmanoSalud
🔽 Perdía 11-20 ao comezo do 2º tempo
⌛️ Nos últimos intres @Soraia13Lopes e Cerqueira puxeron o 25-26
🙁 No derradeiro segundo Cerqueira puido empatar. O lanzamento petou nos dous paus@RFEBalonmano @IberdrolaDHF pic.twitter.com/rpvFRop5hn— En Xogo tvG2 (@EnXogo_tvG2) February 7, 2021
FICHA TÉCNICA
25) CONSERVAS ORBE RUBENSA PORRIÑO: Estela Carrera (portera), Mónica Oliveira (7), Anthia Espiñeira (2), Sandra Fernández (1), Alba Dapena (-), Inés Hernández (1), Carme Castro (-) –siete inicial- Ana Cerqueira (3), Erica Correia (6), Soraia Lopes (4), Aitana Santomé (1).
26) BALONMANO SALUD: Irene Sánchez (portera), Szopinska (3), Elena Martínez (6), Dayanne Da Rocha (-), Andrea Loscos (3), Leticia Cobo (1), Eva Márquez (2) –siete inicial- Rebeca López (11), María Zaldúa (-), Andrea Alonso (-), Lara Coello, Susi Sánchez (portera).
MARCADOR CADA 5 MINUTOS: 1-2, 2-6, 3-9, 5-11, 7-13, 11-15, 11-17, 13-21, 16-22, 18-24, 22-25 e 25-26.
ÁRBITROS: Sergio Rodríguez e Andrés López.
INCIDENCIAS: Partido correspondente á décima xornada la Liga Guerreras Iberdrola de balonmán, disputado no pavillón Municipal de Porriño, a porta pechada por mor das restriccións de acceso ao público aos recintos deportivos para frear o contaxio da COVID-19.
