Pescados Rubén Burela e Atlético Navalcarnero volveron cruzarse para disputar o partido de ida da final polo título de play-off de Primeira División RFEF Futsal Feminina. As Guerreiras Laranxas empatan 2-2 na casa, decidíndose todo no partido de volta.
Empezaba este derbi de final con ambos os equipos serios sobre a pista, marcando o seu territorio. Durante o primeiros dez minutos, as Guerreiras Laranxas mostrábanse mellor, presionando a en toda a pista ao Futsi Atlético Navalcarnero, ás cales non lles cedían ningunha oportunidade. Controlaban o xogo, e tiveron algúns intentos pero non demasiado perigosos.
O Futsi Atlético Navalcarnero estaba coas revolucións altas, pois en dez minutos xa cometera 6 faltas, quedando comprometidas en ou que quedaba de disputar de primeira parte. Coa sexta falta, Emilly de dobre penalti a punto estivo de poñer o 1-0 co seu disparo potente. Na seguinte xogada, o Futsi Atlético Navalcarnero ía ter unha ocasión moi clara, pero Jozi evita o que puido ser o gol das visitantes facendo unha boa intervención ante a futbolista galega Vane Sotelo.
Coas seis faltas o Futsi Atlético Navalcarnero baixou as súas revolucións e empezou a controlar mellor o seu xogo. Durante un tramo controlaban o balón, pero parecía que o Pescados Rubén Burela buscaba máis adiantarse. Dany aos 15 minutos ía ter a ocasión máis clara do partido cun roubo que ela mesmo fixo e case converte se non chega a ser por Marta Valbuena.
Os últimos minutos da primeira parte acabaríanse con ambos os equipos buscando adiantarse cunhas guerreiras que tiveron outra ocasión de dobre penalti de Emilly, e un disparo de Peque, e o Futsi Atlético Navalcarnero nos segundos finais, tivo unha acción que rexeitou a defensa do Pescados Rubén Burela de forma crucial. Iríase ao descanso con empate.
O Burela adiántase
Segundo saltaron ambos os equipos producíronse dous goles. Poñíase o Pescados Rubén Burela por diante con gol de Peque pero seguidamente ía empatar o partido o Futsi Atlético Navalcarnero cun gol de Irene Córdoba tras un erro en defensa. Minutos despois as visitantes, ían ter un balón ao pau mediante disparo de Anita Luján. Despois diso, o conxunto de Julio Delgado contestaba cun disparo potente de Dany e outro de Peque que evitaba a meta Marta Valbuena que estaba a realizar unha fenomenal actuación.
Chegado o ecuador da segunda parte, íase producir exactamente o mesmo que ao comezo desta. Chegaba o gol de Ale de paz tras aproveitar un balón na área e a continuación volvía poñer táboas o Futsi na xogada seguinte con gol de María Sanz cun disparo afastado.
Os minutos vindeiros corresponderíanse con dous equipos dándoo todo para poñer a súa vantaxe no marcador, cun Atlético Navalcarnero que saía ben tras recuperar balón e cunhas guerreiras que estaba a ser arroupadas polo seu público. Con todo, ía chegar ao final deste choque con empate 2-2.
FICHA TÉCNICA
2) PESCADOS RUBÉN BURELA: Jozi, Dany, Cilene, Peque e Ale De Paz – quinteto inicial -. Tamén xogaron: Lara Balseiro, Elenita, Bea Mateos, Irene Samper, Jenny, Elena Aragón e Sandra Buzón.
2) FUTSI ATLÉTICO NAVALCARNERO: Marta Valbuena, Anita Luján, María Sanz, Ari e Irene Córdoba – quinteto inicial -. Tamén xogaron: Laura Córdoba, Ju Delgado, Ame Romero, Albita, Lorrana, Belén, Becha e Vane Sotelo.
GOLES: Min 21 Peque 1-0; Min 22 Irene Córdoba 1-1; Min 30 Ale de Paz 2-1; Min 31 María Sanz 2-2.
EQUIPO ARBITRAL: Toca Campo, Sánchez Llorente – Coello Martínez, De Luis Iglesia. Amosaron cartón amarelo a María Sanz e a Peque.
INCIDENCIAS: Partido correspondente á xornada de ida da final polo título do play-off de Primeira División RFEF Futsal Femenina, disputado no pavillón Vista Alegre. Asistiron a este encontro o vicepresidente da Futgal, Pablo Prieto, o deputado de Deportes da Deputación de Lugo, Efrén Castro, o xefe de servizo de deportes da Xunta de Galicia en Lugo, Manuel Otero e o alcalde de Burela, Alfredo Llano.
