O 7 e 8 de marzo, con motivo do Día Internacional da Muller, Iberdrola organiza o Tour Universo Mujer en Pontevedra. Contará coa participación de 16 federacións deportivas nacionais entre as que se atopa a Real Federación Española de Atletismo.
A Sociedade Ximnástica de Pontevedra, club decano no atletismo da cidade do Teucro, estará presente no evento. Para iso, organizarase unha caseta no que haberá un circuíto con diferentes actividades de saltos, carreiras e lanzamentos. O obxectivo é animar a que a xente coñeza un pouco máis este deporte. Ademais, o club galego contará coa participación dos nenos/ as das escolas que nos deleitarán con todo o que aprenderon estes meses.
Pero o Tour Universo Mujer vai máis aló. Na praza de España haberá actividades o sábado 7 de Zoa. O horario será de 11:00 h a 14:00 h e de 17:00 h a 20:00 h. O domingo 8, o atletismo toma o protagonismo cunha carreira pola cidade de Pontevedra, na que estarán presentes algúns/ as dos/ as mellores deportistas pontevedreses. A hora de saída será ás 11:00 h.
Carreira pola igualdade
Pontevedra será a décimo séptima cidade encargada de acoller o Tour Universo Mujer. A cidade pontevedresa converterase na capital nacional do deporte coa celebración desta gran festa do deporte feminino impulsada polo Consello Superior de Deportes, Fundación Deporte Novo e Iberdrola.
Unha das actividades centrais deste evento, será a celebración da Carrera “Pontevedra en forma pola igualdade”. Trátase dunha marcha/carreira solidaria que percorrerá os principais puntos da cidade cun percorrido de 5km.
O obxectivo principal da carreira é sumarse ao obxectivo global do Tour Universo Mujer: fomentar o deporte e a igualdade a través do papel da muller na sociedade co deporte como principal instrumento.
Nesta ocasión, a carreira realizarase o domingo 8 de marzo con saída ás 11.00 h desde a Praza de España. O percorrido urbano terá unha extensión de 5km totalmente adaptados a todos os participantes, pois sen límite de idade e capacidades, os participantes poderán realizar a carreira en forma de marcha ou carreira.
O prezo de inscrición ten un custo simbólico de 4€ (+0,40 € por gastos de inscrición online). A carreira será solidaria, polo que toda a recadación irá destinada a unha asociación social pontevedresa.
Por último, haberá tres categorías de premios, Absoluta ( M e F) onde se inclúen todas as categorías, Infantil ( M e F) de 12 a 17 anos e Ambulantes ( M e F) calquera discapacidade, handbike e cadeira de rodas. Todos os participantes recibirán coa súa inscrición unha camiseta conmemorativa do evento e unha bolsa do corredor con produtor dos principais colaboradores da actividade.
