A Federación Internacional de Loitas Olímpicas (UWW) vén de elixir á cidade de Pontevedra como a sede para o Mundial U23 de Loitas Olímpicas do ano 2022.
Segundo informa a Federación Galega de Loitas e D.A. (Fegaloita), o organismo internacional tiña como outra opción a Skopje, capital de Macedonia, unha localidade con máis habitantes e maior experiencia na organización de eventos internacionais. Isto non foi motivo suficiente para que saise como cidade elixida, e finalmente Pontevedra fará historia albergando o Mundial no 2022.
A aposta por Pontevedra certifica o seu bo facer, co Campionato de Europa júnior do 2019 aínda na memoria. O apartado executivo e a resolución do continental foi un descubrimento para a Federación Internacional, que puido coñecer de primeira man a capacidade organizativa e de traballo de España.
O Mundial de Loitas Olímpicas U23 en números
Este campionato do mundo abarcará tres modalidades de loita: libre olímpica, libre feminina e grecorromana. Dará comezo na localidade galega en outubro do 2022 e durará unha semana de competición directa. Esta semana traducirase en dez días de ocupación hotelera.
No que se refire ás participantes, haberá 21 pesos de competición en liza, con ata mil atletas de 84 países asociados á Federación Internacional. A estes mil deportistas engadiranse uns 800 visitantes directos que viaxan cos equipos.
Entre os antecedentes españois, só se atopa o Campionato do Mundo Júnior de 1991, que celebrouse un ano antes dos Xogos Olímpicos de Barcelona 1992, e no 2003 Sevilla acolleu o Campionato de Europa cadete.
Desde hai case dúas décadas, e desde que está implementado o novo sistema de selección, ningunha cita europea nin mundial volveu a celebrarse en España ata Pontevedra 2019 e agora Pontevedra 2022.
A aposta do Concello de Pontevedra marcou un antes e un despois na organización de eventos deportivos, ampliando os horizontes de traballo da Federación Española e a Federación Galega.
Por que Pontevedra é a sede elixida para o Mundial de 2022?
Tal e como apuntan desde Fegaloita, hai catro vantaxes principais que fan da localidade galega unha excelente sede para o Mundial U23 2022.
- Amplia experiencia na organización de grandes eventos deportivos internacionais de moitas disciplinas deportivas.
- Experiencia na organización de grandes eventos nacionais e internacionais de Loitas Olímpicas: Campionato de España júnior e escolar 2016, Campionato de España sénior e cadete 2017 e o xa mencionado Campionato de Europa júnior 2019.
- O atractivo da cidade, polo entorno clave da mesma: parques, casco histórico, praia próxima.
- Galardón mundial ONU-Hábitat, entregado en Dubái (Emiratos Árabes Unidos), que a recoñece como unha das cidades europeas máis cómodas para vivir.
Pontevedra é unha cidade de 82-549 habitantes, caracterizada pola actividade administrativa, monumental, turística e de servizos. Unha cidade de arte e historia.
O seu casco vello é, tras o de Santiago de Compostela, o máis importante de Galicia. En 2015 recibiu o premio de excelencia urbana do Center for Active Design de Nova York, así como o premio Cidade de Mobilidade Intelixente Euro-China 2015, entregado en Hong Kong.
