Pontevedra acollerá o vindeiro sábado 29 de febreiro unha festa das loitas olímpicas. A cita terá lugar no CGTD de Pontevedra, en xornada de mañá e de tarde, nunha concentración autonómica, previa os CESA 2020.
A concentración Autonómica, reunirá aos 50 mellores deportistas das 3 modalidades Olímpicas: Libre Olímpica, Feminina e Grecorromana, das categorías escolar e cadete, que representarán a Galicia nos próximos CESA (Campionatos de España de Seleccións Autonómicas), que terán lugar o 6 e 7 de Marzo en Gijón (Asturias)
Curso de material deportivo
A cidade galega tamén acollerá unha xornada de formación para que os técnicos melloren o uso do material específico de Loitas Olímpicas.
O curso será impartido por Dancho Payatonov, de Suples Spain, co que a Federación Galega de Loita e D.A. teñen un acordo para a formación non emprego do novo material específico de adestramento que ofrece esta multinacional especializada en material de adestramento de Loitas Olímpicas.
O traballo de formación dos forzadores, é esencial para levar calidade aos grupos de adestramento. A Fegaloita, leva dous anos facendo un importante esforzo económico, para nutrir aos Clubs Galegos, de material de adestramento máis moderno. Agora toca sacar o maior partido ao material, no uso diario nas salas de adestramento.
