Pontevedra acolleu a concentración do Equipo Nacional de loita feminina

Desde o 6 de outubro e ata o pasado domingo, Pontevedra, no CGTD, foi a sede da loita feminina española, acollendo a concentración do Equipo Nacional, coas seleccións absoluta, U23 e U20. Para esta reunión estiveron convocadas tres galegas: Lydia Pérez, Nerea Pampín e Nerea Iglesias.

En total, ata 18 loitadoras viaxaron a Pontevedra para formar parte da concentración, todas elas campioas de España. Esta foi a primeira actividade da tempada 21/22,con adestramentos na sala de Loitas Olímpicas do CGTD de Pontevedra, baixo a dirección das técnicas nacionais Aurora Fajardo e Antonia Torres. Tamén estiveron nas sesións de traballo os técnicos da Fegaloita Alexander Kachelaev, Marcos Miragaya e Rubén Méndez. Todo o traballo estivo coordinado polo técnico Pablo Pintos Figueroa.

O groso da concentración estivo formado polas deportistas U20 e U23, que no vindeiro ano participarán no Mundial U23, o primeiro da historia organizado en España, que ademais tamén terá lugar en Pontevedra.

Todas as loitadoras foron recibidas no Concello de Pontevedra e na Deputación de Pontevedra polos máximos responjsables, como proba do compromiso da administración co deporte e cos grandes eventos que teñen lugar na cidade.

Desde a Fegaloita destacan como o traballo coordinado coa Federación Española “permítenos desfrutar deste tipo de actividades, de gran valor formativo, para todos os participantes, incluidas as deportistas becadas no CGTD da sección de Loitas Olímpicas, que poden adestrar cos primeiros equipos nacionais.

As galegas do Equipo Nacional

Lydia Pérez Touriño, do Club de Loita Pontevedra:
– 19 veces campioa de España.
– 5ª CTO. Mundo U23.
– 9ª CTO. Europa senior.
– 16º CTO. Mundo sénior.
– 4ª Xogos do Mediterráneo.
– 2ª Torneo internacional Sassari en Italia

Nerea Pampín Blanco, do Club de Loita Keltoi de Vila de Cruces:

– Campioa de España cadete, junior y sénior.
– 7ª en Cto. Europa junior Pontevedra 2019.
– 13ª CTO. Mundo junior.
– 5ª CTO. Europa U23 en Macedonia.

Nerea Iglesias Campos, do Club Escuela Ayude de Santiso:

– Campioa de España escolar, cadete junior y U23.
– 5ª en Cto. Europa cadete, en Roma

A convocatoria completa