Esta fin de semana, entre o 12 e o 13 de xuño, Ponteareas acolle a celebración do Campionato Galego de Máster de Verán. A cita terá lugar na piscina do Completo Deportivo Álvaro Pino da localidade e acudirán máis de 240 deportistas máster, 87 delas mulleres, pertencentes a 25 clubs galegos.
A competición divídese en dúas xornadas, deixando o sábado para os maiores de 45 anos e o domingo para os menores desa idade. O vencedor da Liga Galega Máster, o CN Ponteareas, actuará como anfitrión e competirá con nadadoras en diversas probas.
Será ademais o club que más nadadoras aporte á competición, con 25 mulleres dun total de 46 deportistas. Seguidamente está o CN Vigo Rías Baixas, con doce nadadoras e un equipo de 25 deportistas. En terceira posición en cuanto á participación está o CN Liceo, con nove mulleres e 14 homes.
Nas probas femininas tamén haberá representación do AD Fogar, Club del Mar de San Amaro, Cidade de Santiago, CN Escualos, CN Ferrol, CN Galaico, CN Monforte de Lemos, CN Mos, CN Pabellón Ourense, C. Traviesas N., C. USC., Real Club Náutico de Vigo, Real Sociedad Hípica, Sporting Club Casino.
