Málaga acolleu o Campionato de natación de España infantil de inverno de natación, ao que se presentaban un total de 72 equipos femininos. Na cita, rompendo os prognósticos, ao contar con so tres nadadoras, o C.N. Ponteareas alzábase co terceiro posto por equipos feminino na clasificación final. O conxunto gañador foi o Club Deportivo Gredos San Diego.
O C.N. Ponteareas participou con tres nadadoras que obtiveran a marca mínima clasificatoria para dez probas individuais en total: Sofía Carballo, Iria Lemos e Rosette Otero. E o C.N. Galaico cunha deportista, Gabriela Simón, que estaba clasificada para catro probas pero finalmente nadou só tres.
Iria Lemos, campioa de España nos 100m libres
A nadadora do CN Ponteareas, Iria Lemos, proclamábase campioa de España en 100m. Libres, marcando a Mellor Marca Galega de 15 anos (58.55). Logo do ouro, e acabar de redondear a súa actuación, pouco despois a propia Iria Lemos conseguía a medalla de bronce no 100m. bolboreta, co mérito engadido de subirse ao podio saíndo desde a penúltima serie, é dicir, que mellorou o tempo de moitas nadadoras que acreditaran mellor marca de inscrición que ela. Non remataron aí os logros de Iria Lemos quen tamén se anotou para si a medalla de bronce no 200 m. libres,
No caso da súa compañeira de club no CN Ponteareas, Sofía Carballo, a nadadora acadaba o bronce nos 200m. braza, marcando tamén a Mellor Marca Galega de 15 anos (2:34.60). Sofía Carballo volvía subir ao terceiro caixón do podio colgándose a medalla de bronce no 100m. braza e marcando outra Mellor Marca Galega de 15 anos (1:12.97). Ademais conquería unha 16ª posición de Sofía Carballo no 200m. Estilos.
Rosette Otero, pola súa banda obtivo unha 34ª posición no 800m. libres e foi 37ª nos 200m. bolboreta.
A participación feminina galega completábase coa nadadora Gabriela Simón, do C.N. Galaico que participou nas probas: 100m Libre (38ª), 200m Espalda (29ª) e 100m Espalda (17ª), aínda que non acadou medallas.
Como todas as probas desta tempada, a competición estaba regulada polo protocolo de prevención fronte ao contaxio do COVID-19 e se celebrou a porta pechada. Tamén se separaron as competicións masculina e feminina coa fin de limitar o aforamento de deportistas dentro da instalación.
CONSULTA OS RESULTADOS DO CAMPIONATO DE ESPAÑA INFANTIL DE NATACIÓN DE INVERNO
