Unha representación de deportistas de Galicia viaxa a La Nucia (Valencia), para participar os días 10 e 11 de Abril, nos campionatos de España de Loita Grappling e Grappling-Gi. En total serán 29 deportistas o cal supón un incremento con respecto ao ano anterior, segundo informa a Federación Galega de Loita e D.A. (FEGALOITA).
Deses 29 deportistas, as loitadoras galegas serán en total catro: Paula Ouviña Vilasó (Kempo) júnior -51gk, Vanessa Muíños (independente) sénior -71kg, Lucía Mei (SportFight) júnior -53kg e Karin Rúas (Graíño) sénior -53kg.
Aportan deportistas a este campionato estatal os clubs galegos: SportFight, Graíño, O Morrazo e Kempo. Haberá representación galega en categorías escolar, cadete, junior, sénior e veteráns.
Segundo explican desde FEGALOITA, o aumento de competidores, respecto do ano pasado é considerable, mostra da confianza na organización de eventos seguros, por parte das Federación Nacional e das Federacións Autonómicas.
Todos os deportistas están obrigados a facer un test de antíxenos antes de viaxar a La Nucia, e a súa chegada a Valencia, terán que repetir o test, explican desde a Federación Galega de Loita e D.A. (FEGALOITA).
Un día para o Grappling e outro para o Grappling-Gi
A competición divídese en dous días, un para cada unha das dúas modalidades postas en liza:
- Sábado: Campionato de España de Grappling (sen kimono).
- Domingo: Campionato de España de Grappling-Gi (con kimono, ou GI).
Galicia parte con claras opcións de medallas, grazas o traballo incansable dos Clubs, que mantiveron a súa actividade, durante este ano longo de pandemia, onde o noso deporte estivo parado e moi limitado, polas restricións impostas.
Esta competición será unha dura pedra de toque para todos os competidores, tras so ter competido no campionato Galego do 13 de Marzo do 2021, como única actividade nos últimos 13 meses.
Mais aló dos resultados, a volta o tapiz, e levar un nutrido grupo de deportistas, será o mellor premio.
A listaxe de deportistas que participarán neste campionato de España, así como o seu club, peso e categoría son os seguintes:
| APELIDO | CLUB | PESO | CATEGORÍA |
| ALEX PÉREZ FERNÁNEZ | KEMPO | -60 | JÚNIOR |
| ADRIÁN PEGO REY | KEMPO | -66 | JÚNIOR |
| JUAN VICENTE FIGUEIRAS | KEMPO | -69 | CADETE |
| ADRIÁN SÁNCHEZ PIÑEIRO | KEMPO | -58 | JÚNIOR |
| PAULA OUVIÑA VILASÓ | KEMPO | -51 | JÚNIOR |
| FABIAN THIEBAUT | O MORRAZO | -77 | VETERANO B |
| XOEL FREIRE | O MORRAZO | -73 | ESCOLAR |
| SAMUEL BRUM | O MORRAZO | -77 | SÉNIOR |
| VANESSA MUIÑOS | INDEPENDIENTE | -71 | SÉNIOR |
| DAVID EXTREMADURA | INDEPENDIENTE | -62 | JÚNIOR |
| LEWIS ARIZALA | SPORTFIGHT | -66 | SÉNIOR |
| XOAN NÚÑEZ | SPORTFIGHT | -77 | SÉNIOR |
| JORGE TORRES | SPORTFIGHT | -84 | SÉNIOR |
| RAMÓN PLACER | SPORTFIGHT | -76 | CADETE |
| MARCOS GONZÁLEZ | SPORTFIGHT | +100kg | SÉNIOR |
| MANUEL PERMUY | SPORTFIGHT | -84 | VETERANO A |
| LUCÍA MEI | SPORTFIGHT | -53 | JÚNIOR |
| JAVIER MATO | SPORTFIGHT | -92 | VETERANO B |
| BRUNO MARTÍNEZ | SPORTFIGHT | -92 | VETERANO A |
| SERGIO YAÑEZ | SPORTFIGHT | -76 | CADETE |
| ALBERTO FIDALGO | SPORTFIGHT | -100 | VETERANO C |
| RUBÉN DIÉGUEZ | GRAÍÑO | -62KG | SÉNIOR |
| SERGIO VÁZQUEZ | GRAÍÑO | -66KG | SÉNIOR |
| JUAN NIÓN TORRES | GRAÍÑO | -84KG | SÉNIOR |
| DAMIÁN ANTELO | GRAÍÑO | -100KG | SÉNIOR |
| KARIN RÚAS | GRAÍÑO | -53KG | SÉNIOR |
| JAIME CORTIÑAS | GRAÍÑO | -62KG | VETERANO A |
| ALBERTO LÓPEZ | GRAÍÑO | -71KG | VETERANO A |
| PABLO VÁZQUEZ (Vigo) | GRAÍÑO | -92KG | VETERANO B |
| JORGE GARRIDO | ÁRBITRO | ||
| DANIEL FERNÁNDEZ | ÁRBITRO | ||
| MIGUEL PÉREZ | TÉCNICO | ||
| CARLOS FABIAN THIEBAUT | TÉCNICO | ||
| BRUNO MARTÍNEZ | TÉCNICO | ||
| PABLO PINTOS | RESPONSABLE |
