A COVID-19 obrigou a comezos deste ano a adiar varios partidos do Poio Pescamar. Malia ter xornadas pendentes, as galegas son segundas, e queren chegar ao primeiro posto este mércores. A futbolistas desprázanse para recuperar a undécima xornada contra o STV Roldán FSF, o 10 de febreiro, ás 20:30 horas.
No pasado mes de xaneiro, o conxunto conserveiro detectou tres positivos no seu plantel, o que mantivo ás galegas fóra das pistas durante case tres semanas. Volveron á Primeira División con forza ante o Viaxes Amarelle, e desde entón o Poio estivo recuperando partidos á vez que xogando os correspondentes a cada xornada.
Malia ter que reaxendar tres encontros, as pontevedresas mantivéronse no máis alto da clasificación e agora, a tres partidos de que finalice la competición, ocupan a segunda posición do Grupo A.
Con 34 puntos, tres deles conseguidos no último partido, ante o Ourense Envialia, o Poio está a un só punto do Futsi Atlético Navalcarnero.
Así vai o rival do Poio Pescamar
Para esta xornada entre semana, as galegas visitarán ao STV Roldán FSF. Un rival difícil, que tamén loita por estar arriba e suma só un punto menos que o Poio Pescamar, polo que ocupa a posición de bronce.
Con dez vitorias a favor, tres empates e só unha derrota (e un global cun partido máis que as conserveiras), o Roldán está entre os mellores equipos da competición. As murcianas son ademais o segundo equipo que menos encaixa do Grupo B, con só 15 goes en contra, fronteaos 46 que ten ao seu favor. Un máis suman as galegas, con 47.
No seu último partido o Roldán fixo gala destes datos, asestándolle un 1-6 ao Teldeportivo canario, que ocupa a última posición.
Todo indica que será un encontro moi igualado e emocionante, entre dos clubs que loitan por ter un oco nos play offs da segunda fase da competición.
