O Poio quere trasladar a alegría da Copa da Raíña á Liga. Despois dunha histórica fin de semana no que as galegas clasificáronse para a Final Four da Copa da Raíña, as conserveiras volven a xogar na casa o campionato doméstico coa firme intención de poñer fin ao refacho de catro derrotas consecutivas e manter a quinta praza. As galegas reciben no pavillón de A Seca ao Universidad de Alicante (6º) con dous puntos menos.
Coas coñecidas baixas por lesión de longa duración de Antía e Clara, Raúl Jiménez ten á súa disposición o resto do persoal, coa recuperación de Andrea, que volveu ter minutos fronte ao Roldán despois dun mes de baixa. Todo iso para sumar o primeiros tres puntos do ano, xa que en 2020, O Poio tan só conta coas vitorias no torneo do K.O.
POIO PESCAMARNon será nada fácil rebater a dinámica negativa. En fronte está outro semifinalista da Copa da Raíña. As universitarias superaron na quenda de penaltis ao Sala Zaragoza a domicilio, logo de empatar a dous goles. Ademais, en liga chegan tras vencer os seus últimos dous enfrontamentos, ante UCAM Elpozo Murcia por 0–1 e na súa cancha ao Bilbo, cun contundente 5–0.
As alacantinas non coñecen o empate e dividen os seus triunfos en cinco como local e cinco como visitante. Lonxe de casa, encaixaron 22 goles e marcaron 24.
Co bo recordo da primeira volta
No partido de ida, as pupilas de Raúl Jiménez sumaron a súa primeira vitoria como visitante precisamente ante o UA, cun 1–4 no que marcaron Clara, Ana Rivera e Dani Sousa, esta por partida dobre.
Ao Poio lle toca centrarse en Liga, volver gañar e, aínda que a cuarta praza está a nove puntos, non renunciar á posibilidade de entrar no playoff. Faltan moitos partidos por disputarse e por atrás a táboa apértase, con equipos como o Universidad de Alicante, Móstoles, Penya Esplugues e mesmo Roldán e Zaragoza axexando.
