Non tivo unha boa tarde de sábado o Poio Pescamar en terras murcianas e caeu por 4-1 ante o UCAM Elpozo. As murcianas, moi centradas conseguiron deixar na casa os tres puntos ante un Poio mermado que non atopou a súa mellor versión en feudo pimentonero.
Non comezou ben o partido para as galegas tras o gol moi temperán de Pepa desde o punto fatídico que superou á gardamallas Silvia aos tres minutos de xogo. Poñerse por diante permitía ás universitarias asentar o seu xogo sobre a cancha ante un conxunto rojillo que tentaba reaccionar presionando a saída de balón local. As murcianas dominaban o desenvolvemento do xogo e o Poio, tentaba sorprender á contra para empatar o duelo.
No tramo final do primeiro acto, senllos goles consecutivos das locais, o primeiro de Patri de vaselina dentro da área e o segundo de Noelia culminando unha parede con Lola deixaban ás galegas tocadas antes de enfrontar o túnel de vestiarios.
Tras o tempo de asueto, o conxunto pontevedrés aumentou a intensidade do seu xogo, pero unha e outra vez estrelábase ante un UCAM ben pertrechado atrás e confiado coa súa renda no luminoso. Raúl Jiménez tivo que recorrer no tramo final ao xogo de cinco para tentar voltear o luminoso, pero serían as murcianas quenes aumentarían a súa renda por mediación de Patri nun roubo de balón culminando a porta baleira.
De potente disparo de Dani Sousa desde fóra da área, o Poio conseguía o gol da honra e proseguiu tentándoo nos compases finais, con máis ganas que acerto. A UCAM soubo aguantar o empuxe para embolsarse os tres puntos na súa loita por pechar a súa permanencia matemática na categoría.
FICHA TÉCNICA
UCAM MURCIA: Cristina; Lola, Pepa, Noelia y María quinteto inicial). Tamén xogaron, Patricia, Idoya, Susana, Chihiro y Alba.
POIO PESCAMAR: Silvia; Ana Rivera, Irene García, Iria Saeta y Dani Sousa (quinteto inicial). Tamén xogaron, Mirian, Anna Escribano y Cárol.
GOLES:
1-0, min. 3 Pepa (penalti)
2-0, min. 19 Patri
3-0, min. 19 Noelia
4-0, min. 38 Patri
4-1, min. 38 Dani Sousa
COLEXIADOS: Rubén Artero e Jaime Linares do colexio murciano. Recibiron cartón amarelo Iria Saeta e Cárol no Poio pescamar.
INCIDENCIAS: Pavillón José María Cagigal. Uns 150 espectadores.
