Chega o momento da pausa de Nadal nas competicións para o Poio Pescamar que non ten partidos en Primera División ata o 7 de xaneiro de 2023. Eso si, a volta é cun partidazo: o derbi da ría!
O Poio Pescamar deu descanso ás xogadoras do primeiro equipo que milita na Primera División do FutSal da RFEF desde o 20 de decembro ata o 2 de xaneiro. O último adestramento do ano para as vermellas foi o luns 19 de decembro.
Logo de dúas semanas libres as conserveiras terán que poñerse a traballar duro para afrontar un partido de peso: o derbi da ría, que enfronta ao Poio Pescamar contra o ENCE Marín Futsa. Este derbi galego entre pontevedresas vaise xogar sábado 7 de xaneiro ás 19:00 horas no pavillón Príncipe Felipe de Pontevedra.
Sen lugar a dúbidas o bloque de xogadoras do Poio Pescamar ten ben merecido o descanso tras unha primeira parte de tempada de récord en Liga. As conserveiras son terceiras clasificadas na Primera División do FutSalFem da RFEF. Pero e que ademais están empatadas a puntos co Pescados Rubén Burela e están unicamente separadas das líderes invictas, o Futsi Atlético Navalcarnero, por tres puntos. O conxunto madrileño conta as súas 13 xornadas por vitorias, sendo o único rival que nos impediu sumar os tres puntos ata agora ás vermellas.
O Poio Pescamar pecha 2022 con once partidos seguidos gañando
Outro dos hitos das galegas do Poio Pescamar é que levan xa once partidos consecutivos gañando e, xunto ó equipo albivermello, son quen menos goles reciben (12). Respecto a este dato, cabe resaltar que os tres últimos triunfos lográronnos deixando a portería a cero, ante rivais do nivel de Ourense Envialia, STV Roldán ou Melilla Torreblanca.
