Con media ducia de equipos galegos na elite, rara é a xornada na que non se produce un duelo de rivalidade autonómica na Primera División do FSF estatal. Nesta sétima xornada é a quenda para Poio Pescamar e Ourense OnTime que se enfrontan na Seca hoxe, sábado 28 de outubro, a partir das 20:00 horas. Poderá seguirse o partido por Live Vuvuzela e pola TVG.
⚽ 1DIV IBERDROLA (@iberdrola) // J.07 // POR TVG2 (@TVGalicia)
En directo @live_vuvuzela
📺https://t.co/ldtTXzWmSI📅 28/10
⏰ 20H@PoioPescamarfs🆚 OURENSE ONTIME FSF📍 #poio
🏟️ A SECA
👇https://t.co/ar5xYBDXU7
Diseño: @beaseijasdiseno🚀 #imosOlio #PrimeraIberdrolaFS pic.twitter.com/Fm1EhHpcqQ
— Ourense Ontime FSF (@OUontimeFSF) October 26, 2023
Na clasificación o Ourense OnTime é oitavo e o Poio Pescamar noveno. Só dous puntos separa ao dous bloques galegos, así que este cruce pode dar lugar a movementos na táboa.
Será a segunda vez que o Ourense OnTime visite A Seca neste curso, tras facelo en pretempada.
O Poio Pescamar recibe ao Ourense OnTime tras vencer ao líder
As locais do Poio Pescamar afrontan esta sétima xornada coa moral alta logo de gañar ó líder, Arriva Alcorcón, a semana pasada. Esa derrota das madrileña colocou ás galegas do Burela no máis alto da táboa. E de camiño, as vermellas quitábanse a espiña da derrota na pista do Viaxes Amarelle FSF.
O Poio Pescamar aspira a sumar tres puntos cos que adiantarían ao conxunto auriense e seguirían escalando posicións na táboa clasificatoria. Ademais, consolidarían a cancha da Seca coma un fortín. Na súa pista o Poio Pescamar xa venceu ao Rayo Majadahonda e ás alfareiras. Eso si, a estrea na Seca foi con derrota ante Les Corts.
Segundo informan desde o club conserveiro “todo o plantel está dispoñible, agás as coñecidas baixas de Marta e Anna“. Esta é a convocatoria:
CONVOCATORIA 🥁
🏟️ Pavillón A Seca, Poio
🆚 @OUontimeFSF | 7ª Xornada #PrimeraIberdrolaFS
🔻 Marta e Anna
📺 Directo en @FutSalRFEF / @live_vuvuzela: https://t.co/YQFrwU0VSj#PoioPescamar #ConservemosAIlusión #PoioOurense #EncePlanSocialPontevedra pic.twitter.com/6qJpMJsORz
— Poio Pescamar FS (@PoioPescamarfs) October 28, 2023
O equipo que adestra Mondo vén de gañar ó Viaxes Amarelle FSF enlazando así o seu terceiro triunfo consecutivo na competición de liga no futsalfem estatal. As ourensás perderon contra Burela e Les Corts, pero o empate na xornada inaugural en casa do debutante FSF Castro dálles un punto extra co que avantaxan ás de Poio.
Destaca o Ourense OnTime pola súa capacidade goleadora, pois con 21 tantos son o segundo conxunto máis realizador (superado polo Alcorcón e igualado co Viaxes Amarelle FSF). De feito, a súa veterana pivote, Sara Moreno, é a segunda máxima goleadora da liga con 6 tantos, igualada con Laura Córdoba e Amandinha. Sara Moreno foi elixida precisamente a MVP da xornada hai unha semana pola Asociación de Clubs de Fútbol Sala Femenino de España.
⭐️MVP de la Jornada ⭐️@Saryta14 del @OUontimeFSF
Enhorabuena!⚽️💪🏼 pic.twitter.com/zkL0bBCcT5
— ACFSFfutsal (@ACFSFfutsal) October 26, 2023
Contando todos os partidos oficiais (liga, Copa da Raíña e Copa Galicia), a bagaxe entre ambos clubs estaría empatada con 10 vitorias para cada un e 4 empates. Cinguíndonos ó campionato regular, 8 veces venceu o Poio Pescamar á escadra de Ourense, por 2 empates e 10 triunfos seus. Con todo, parece que ás conserveiras dáselles mellor xogar a domicilio dado que levan catro tempadas seguidas gañando en liga. En Poio, no curso anterior venceran ao Ourense OnTime por 2 – 1, aínda que en total contabilízanse 3 vitorias vermellas, 1 empate e 6 triunfos ourensáns.
Laura Uña: “Hai que ter moito coidado con Sara Moreno”
Na previa do partido falaba Laura Uña que analizou a situación do equipo, a súa experiencia persoal e profesional en Poio, e por suposto ao rival.
Nas filas do conxunto azul salientou a figura de Sara Moreno, se cara a futbolista máis en forma do Ourense OnTime. “Hai que ter moito coidado con Sara. Empezou a liga coma un tiro. Hai que tentar que lle chegen os menos balóns posibles. É un equipo que está afeito ao xogo 3-1 polo que ás pivotes chegarannos menos balóns dos habituais. Será un xogo grupal”.
