As galegas non puideron dar a badalada en casa do invicto líder. Tras unha primeira parte igualada que terminou con 2 – 1, os dous tantos nun minutos ao reinicio do descanso sentenciou o partido. No resto da segunta metade, as conserveiras fixeron méritos para anotar algún gol, pero o Futsi demostrou a súa categoría de líder e os seus números e nos axusticiou a base de contragolpes e aproveitando os erros das de Raúl Jiménez.
O peso do partido levouno desde o seu inicio o conxunto local. Avisou rápido das súas intencións, cun disparo raso de María Sanz que deu no poste aos dous minutos. O primeiro achegamento do Poio chegaría por medio de Anna Escribano cun lanzamento desviado desde a banda dereita a pase de Iria Saeta.
O equipo branquivermello perdoaría o primeiro tanto por medio de Irene Córdoba, que non foi capaz de empuxar na área o pase lateral de Anita Luján. As locais acumularon en dez minutos cinco faltas e as de Jiménez buscaron ter máis posesión para provocar a sexta, que nunca chegou.
Caridad detivo por dúas veces a Anita Luján, pero nun libre indirecto desde a frontal da área, Ame Romero perforou a portería conserveira dun duro disparo pegado ao poste dereito. Todo se complicaba máis ao retirarse lesionada Clara, despois dun sprint. Non foi o día para as galegas, no peor escenario.
As chegadas locais sucedíanse. Caridad fíxose grande ante María Sanz, que de socato non puido marcar. Con todo, outra triangulación de gran calidade entre Anita Luján cara á arxentina Becha, terminou en pase atrás desta para que Ame Romero fusilase pola escuadra.
Cando a primeira parte languidecía, chegou a mellor xogada para as galegas tras unha combinación por todo o campo con pase da morte cara a Dani Sousa, que foi obxecto de penalti cometido por Ju Delgado. Iria Saeta foi a encargada de lanzar e anotar, a pesar de que Belén logrou tocar o esférico. As esperanzas de sacar algo positivo na pista do líder creceron.
Todo o esforzo por chegar ao descanso perdendo pola mínima foise ao traste nada máis regresar dos vestiarios. O Futsi aproveitou dous erros na saída do balón para que Leti, primeiro, remate por baixo das pernas de Caridad e Ariane, despois, trace unha parede en carreira que finaliza cun disparo pola escuadra. Case todo lle saíu por momentos á escuadra de Navalcarnero, xa que María Sanz desde medio campo estampou o balón no traveseiro.
Co marcador adverso, Raúl Jiménez mando ás súas xogadoras presionar ao rival. Grazas a isto, as rojillas gañaron peso sobre a cancha e lograron rematar a porta varias veces, pero sen xerar gran perigo.
Non demostrarían as líderes a mesma compracencia. Unha rápida transición pola banda dereita acaba en pase de Irene Córdoba que Albita logra converter no segundo pau no quinto tanto.
O bo xogo despregado no segundo tempo non só non se transformou en goles, senón que aínda chegaron máis en contra. María Sanz, por medio dun dobre penalti, puxo o sexto no electrónico. A falta dun minuto, a puntilla en pés de Becha, que só tivo que empuxar o pase de Ame Romero.
O conxunto rojillo enlaza a cuarta derrota consecutiva en Liga, cun severo correctivo ante o líder, que deixa as galegas quintas con 32 puntos. Agora, todos os pensamentos deben centrarse en acabar esta mala serie na Copa da Raíña, coa oportunidade histórica de disputar os cuartos de final ante o Roldán na Seca.
FICHA TÉCNICA
FUTSI NAVALCARNERO: Belén; Ju Delgado, Ame Romero, Anita Luján e María Sanz. Tamén xogaron Leti, Irene Córdoba, Becha, Laura Córdoba, Marta Valbuena (porteira na segunda parte) e Albita.
POIO PESCAMAR: Caridade; Carol, Dani Sousa, Ana Rivera e Clara. Tamén xogaron Irene García, Anna Escribano, Mirian e Iria Saeta.
GOLES: 1 – 0 Ame Romero, min. 10; 2 – 0 Ame Romero, min. 14; 2 – 1 Iria Saeta, min 19:49, penalti; 3 – 1 Leti, min. 20; 4 – 1 Ariane, min. 21; 5 – 1 Albita, min. 32; 6 – 1 María Sanz, min 37; 7 – 1 Becha, min. 39.
Pavillón Municipal da Estación, Navalcarnero.
