O Poio Pescamar puxo o punto e final a unha campaña fantástica que coincidiu co seu 25 aniversario. Non puideron festexalo con títulos pero por primeira vez entraron la lea de pelexar por eles no play-off, e asinaron uns datos dignos do fito desas ‘Bodas de prata’.
“Chegamos ata aquí e agora queremos manternos”, din desde o Poio Pescamar nun comunicado remitido aos medios. Nesta liga o obxectivo das conserveiras era “meternos no play-off polo título e conseguímolo na xornada 25″. Curiosamente os anos de vida que cumple a entidade.
O Poio Pescamar celebra que “aínda que non chegamos á final, quedámonos con ese segundo posto nas 30 xornadas, por riba do noso ‘verdugo’, Burela. Coa pequena pega das Copas, onde non avanzamos todo o que nos gustaría”.
Desde o Poio Pescamar apuntan unha serie de fitos estatísticos que salientar neste curso 2022-23:
- Mellor arranque de liga (10 xornadas iniciais): 27 puntos de 30 posibles.
- Maior serie de vitorias consecutivas: 12
- Maior puntuación: 75
- Mellor posto: Segundas
- Máis goles anotados: 95
- Menos goles encaixados: 34
- Máis partidos seguidos sen perder en liga: 28
- Maior goleada: 12 – 0 (e segundo partido no que máis goles anotamos).
- Maior goleada coma visitante: 0 – 6
- Menos partidos sen marcar: só 1, na xornada 2.
- Maior serie de partidos marcando: 30 (contando play-off).
- Máis partidos sen recibir gol: 10
- Maior serie de partidos sen encaixar gol: 3
- Primeira vitoria de local ante Futsi.
- Primeira vez que gañamos os dous partidos en casa a Futsi e Burela.
Na entidade vermella poñen sobre a mesa o como “contrapunto, o 9 – 3 do segundo partido do play-off, en Burela, supuxo o partido no que máis goles nos marcaron, aínda que non a derrota por maior diferencia. Que sexa unha mala estatística, non significa que teñamos que ocultala”, apuntan desde o Poio Pescamar.
No Poio Pescamar contan con participar “na próxima Supercopa de España, título ó que optaremos por segunda vez na nosa historia”.
