Poio Pescamar e Ourense Envialia mídense nos oitavos de final da Copa da Raíña. O partido disputarase mañá luns 4 de xaneiro de 2021 no pavillón da Seca de Poio a partir das 20:00 horas.
Ver esta publicación en Instagram
As actuais subcampioas do trofeo tentarán cobrarse a peza das ourensás para dar un paso máis cara na disputa desta competición. Mentres que o conxunto que adestra Morenín non renuncia a nada e cude a esta cita co torneo do KO coa ilusión por facer valer o seu xogo na pista e superar esta eliminatoria. Ambas as dúas formacións chegan a esta cita deportiva coa que arrancan o 2021 nun bo momento de forma. Polo que todo é posible.
O conxunto que adestra Manu Cossío, sobre o papel, parte como favorito no cruce. Pero na escuadra local saben o cruce estará igualado xa que o Ourense Envialia é un bloque en progresión ascendente e, se ten o día, pode ser un rival duro de vencer.
Ver esta publicación en Instagram
A convocatoria de Manu Cossío para o partido de Copa da Raíña consta de 13 ‘rojillas’: Miri, Julia Dupuy, Iraia, Antía, Agostina, Dani Sousa, Irene García, Clara, Silvia, Luci, Caridad, Carol e Ana Rivera.
O partido poderá verse en vivo a través da canle de YouTube do Poio Pescamar
