- Poio Pescamar e FSF Castro Bloques Cando continúan na Copa da Raíña de fútbol sala, mentres que o Ourense OnTime cae eliminado da competición.
FSF Castro Bloques Cando e Poio Pescamar certificaron o seu pase aos cuartos de final da Copa da Raíña 25/25. O equipo lugués impúxose 1-2 ante o FSF Guadalcín o martes, mentres que o Poio Pescamar fixo o propio fronte ao Futsi Atlético Navalcarnero no día de onte, cun contundente 5-2. Ambos conxuntos serán os representantes galegos nesta próxima fase da competición.
Pola súa banda, o Ourense Ontime caeu eliminado fronte ao MRB Móstoles FSF (5-4) e non continuará na loita polo título copeiro.
Ver esta publicación en Instagram
Castro Bloques Cando, 1.º galego clasificado para a seguinte fase
Foi un encontro igualado o que enfrontou ao Castro Bloques Cando contra o FSF Guadalcín na pista das gaditanas o pasado martes.
As galegas abriron o marcador na primeira metade cun tanto de Patri Ortega, pero pouco despois o cadro local logrou empatar, complicándolle as cousas ao equipo dirixido por Julio Delgado.
No segundo tempo, Dani Sousa marcou un gol decisivo que fixo o 1-2 definitivo, certificando así o pase das castrexas aos cuartos de final da Copa da Raíña.
O FSF Castro Bloques Cando chega así por terceira vez consecutiva á fase final do torneo, unha hazaña de gran mérito que subliña a súa consistencia e nivel competitivo.
Ver esta publicación en Instagram
Poio Pescamar: vitoria de infarto e pase épico a cuartos
O vivido onte no pavillón de A Seca quedará na memoria de toda a afección do Poio Pescamar. O cadro galego asinou un memorable triunfo ante o Futsi Atlético Navalcarnero (5-2) nunha prórroga chea de emoción, diante dun público que case non cabía nas gradas e asinaba o billete aos cuartos de final da Copa da Raíña.
Tras abrir o marcador cunha espectacular volea de Chuli, as galegas viron como o conxunto madrileño acadaba o empate e, pouco despois, lograba poñerse diante. Pero a marea vermella non deixou de animar ao equipo.
Foi a mesma Chuli quen forzou a prórroga nos últimos intres do partido, e xa no tempo extra, Carolina Pedreira, Ale de Paz e Élia Gullí completaron a remontada histórica, anotando 3 tantos que garantían o pase á seguinte fase.
O pavillón explotou de felicidade ao ver ao Poio Pescamar derrotar ao Futsi, un rival duro, que foi sete veces gañador da Copa.
Ver esta publicación en Instagram
Tropezo do Ourense Ontime na Copa da Raíña
O Ourense Ontime non foi quen de superar ao Móstoles e caeu por 5-4 nun partido moi disputado, con ocasións para ambos cadros, tal e como reflexa o amplo número de goles.
O conxunto galego dixo adeus á fase final con sabor amargo, sabendo que pelexaron por máis e despedíndose da competición con orgullo polo esfroxo demostrado sobre a pista.
Ver esta publicación en Instagram
