Poio Pescamar e Pescados Rubén Burela FS volven cruzarse nun amigable de pretempada e, novamente, ningún dos dous equipos é quen de superar ao outro. Conserveiras e Guerreiras Laranxas rematan o seu partido en táboas por segunda vez consecutiva. Se o primeiro cruce rematou cun 1-1, desta volta o encontro finalizou cun 3-3.
O CD Burela FS e o Poio Pescamar FS volvéronse enfrontar noutro partido de pretemporada en apenas catro días. Outro choque con dous equipos moi competitivos, que non volveu decantarse par ningunha escuadra.
Comezaba este encontro con intensidade, ambos os equipos intercambiaban ocasións nos primeiros minutos. Ían ser as locais as que se ían a adiantar por medio de Anna despois dun centro de Marta polo á esquerda da pista no minuto 4.
Emilly Marcondes xa daría un susto na seguinte xogada respondendo cun disparo ao poste, e Laura Uña tería para o Poio outro disparo ao pau. Con todo a partir do minuto 9, que se traduce no empate das laranxas con protagonismo de Irene Samper tras un disparo cruzado, produciríase un vendaval por parte do CD Burela FS.
Emilly Marcondes roubando o balón en ataque anotaría o segundo. Minutos máis tarde Patricia facía o terceiro cunha vaselina. Antes de chegar ao descanso, as laranxas puideron anotar o cuarto, pero o pau evitou o gol de Irene e Peque en dúas ocasións.
Na segunda metade, o Poio Pescamar buscaba recortar distancias. As locais elaboraron unha serie de ocasións, primeiro probando Laura Uña, daquela Anna, e despois Dani Sousa, todas evitadas pola meta Jozi que estaba a frear todas as oportunidades.
Con todo, tras tanta insistencia anotaría o segundo o Poio Pescamar a través de Marta con asistencia de Laura Uña no 29, e tres minutos despois empataría o partido con gol de Laura Uña. Nos instantes finais os dous equipos ían ter ocasións para anotar, pero o partido acabaría outra vez en empate.
FICHA TÉCNICA
3) POIO PESCAMAR: Elena, Irene, Dani Sousa, Rocío Gómez e Laura Uña – quinteto inicial -. Tamén xogaron: Martita, Elena Aragón, Andrea Alvite, Agostina, Dupuy, Anna, Luci, Marta e Sandra Buzón (p.s.).
3) PESCADOS RUBÉN BURELA FS: Jozi, Dany, Peque, Irene Samper e Cilene – quinteto inicial -. Tamén xogaron: Masha, Jenny Patricia, Emilly Marcondes, Evelina i Ester.
GOLES: Min 4 Anna 1-0; Min 9 Irene Samper 1-1; Min 12 Emilly 1-2; Min 15 Patricia 1-3; Min 29 Marta 2-3, Min 32 Laura Uña 3-3
EQUIPO ARBITRAL: David Álvarez Carril, Miguel Rodríguez Pontanilla , Andrea González Pontevedra. Cartón amarelo a Sandra Buzón.
INCIDENCIAS: Partido amigable disputado no pavillón A Seca disputado entre dous dos conxuntos galegos que militarán na vindeira tempada na Primeira División da RFEF: Poio e Burela.
Táboas entre Pescados Rubén Burela FS e Poio Pescamar FS (1-1)