Este novo 2020 non está sendo o ano do Poio. Terceira derrota consecutiva en Liga hoxe tras caer 1-2 contra a Penya Esplugues. O conxunto catalán exerceu unha perfecta defensa de inicio a fin e aproveitou unha oportunidade para adiantarse na primeira parte. Coa mesma dinámica na segunda, un grave erro da meta Nerea permitiu colocar o empate. Raúl Jiménez apostou todo mantendo a porteira xogadora e, finalmente, Laura Oliva, aproveitouno para marcar desde a súa área.
Robert Caneda, plantexou o partido cunha premisa clara, defender e montar unha boa contra. E o plan saíulle á perfección. Pitado o inicio do encontro, a Penya Esplugues replegouse no seu campo e deixou o control do balón as galegas. 40 minutos do conxunto conserveiro petando contra a muralla defensiva da Penya.
Os minutos pasaban con algún achegamento sen importancia. As espluguenses mantiñan a súa firme defensa e os 17 minutos, un dos balón longos da cancerbeira Muni, controlou á perfección Martita, que se plantou soa ante Caridade e superouna polo seu costado esquerdo. O plan das visitantes saía según o previsto para tristeza das galegas.
Á volta de vestiarios, as rojillas subiron a intensidade para atopar espazos. Carol, tentou superar a Nerea (porteira na segunda parte da Penya) por alto, mentres que Clara viu como un dos seus disparos afastados chocou no poste. Ante a imposibilidade de meter man a muralla defensiva, os tiros afastados foron moi buscados polas conserveiras.
Dani Sousa, xa pasado o ecuador da segunda metade, tivo un man a man que non podo materializar en gol, o mesmo que Clara dous minutos despois. Entremedias, as barcelonesas empezaron a defender tocando o balón e mesmo xeraron ocasións, destacando a súa capitá Laura Oliva.
A falta de tres minutos e medio, o adestrador Raúl Jiménez apostou por Iria Saeta como porteira xogadora. Nada máis facelo, un centro chute seu acaba en gol despois de coárselle a Nerea entre as súas mans.
O Poio non quixo conformase co empate e foi a por máis. Unha boa triangulación pola banda dereita, terminou nun pase cara a Dani Sousa, que xa gesticulaba o disparo. Con todo, Laura Oliva interceptouno e desde a liña da súa área acertou a anotar o gol da vitoria. Nos últimos instantes, Anna Escribano foi expulsada por dobre cartón amarelo e con isto morría o encontro.
O resultado profunda na ferida e afásta as galegas do playoff, xa que o Alcorcón venceu en Móstoles. As rojillas, sitúanse na quinta posición, con 32 puntos, a seis das oleiras. Na próxima xornada, visitamos ao inexpugnable líder, o Futsi Atlético Navalcarnero, un rival moi complicado para cambiar o rumbo de resultados.
FICHA TÉCNICA
POIO PESCAMAR: Caridade; Mirian, Irene, Carol e Dani Sousa. Tamén xogaron Clara, Iria Saeta, Anna Escribano e Ana Rivera.
PENYA ESPLUGUES: Muni; Arantxa, Laura Oliva, Cèlia e Ro. Tamén xogaron Irina, *Àlex Virou, Clara, Colado, Martita e Nerea (porteira segunda parte).
GOLES:
0 – 1 Martita, min. 17; 1 -1 Iria Saeta, min. 37; 1 – 2 Laura Oliva, min. 38
COLEXIADOS: Daniel Dacal Deza e Jorge Otero Mira. Mostraron cartón amarelo a Ana Rivera ( min. 30) e, por dúas veces, sendo expulsada, Anna Escribano ( min. 39).
Pavillón Municipal da Seca, Poio. Uns 300 espectadores.
