Na cancha do FSF Móstoles hoxe, sábado ás 18:30 horas, o Poio Pescamar buscara cumplir a súa parte para estar no play-off polo título de Liga na Primeira División do fútbol sala feminino da RFEF. As galegas teñen que gañar e confiar en que non gañe o Melilla Sport Capital Torreblanca FS ante o Arriva AD Alcorcón FSF. Agora mesmo son quintas pero teñen o cuarto lugar das melillenses a un punto.
O equipo que adestra Manu Cossío non ten a tiro xa a terceira praza. Así que nesa fase final de Liga son fixos xa: Atlético Navalcarnero, Pescados Rubén Burela e STV Roldán FS. So ten o seu sitio no aire na final four polo entorchado o Melilla Sport Capital Torreblanca FS, que está tiro unicamente do Poio Pescamar.
A pasada semana non fallou o Poio Pescamar, que venceu 4-2 ao Joventu D`Elxe, colista e descendido. Pero tampouco o fixo o equipo do Melilla Sport Capital Torreblanca FS que gañou xustamente ao FSF Móstoles, sétimas clasificadas, por 5-1.
Esta é a convocatoria do Poio Pescamar
Para esta decisiva xornada Manu Cossío non poderá contar con Luísa, que foi operada do seu xeonllo esquerdo. O resto de xogadoras estarán disponibles para a viaxe a Móstoles. Están convocadas polo Poio Pescamar: Caridad e Lucía Paz como porteiras, e como xogadoras de pista: Irene, Jane, Martita, Anna, Agostina, Luci, Ana Rivera, Dupuy e Dani Sousa.
Na Seca as madrileñas venceron 2-4, pero o conxunto galego do Poio Pescamar ten bo sabor de boca das súas últimas dúas visitas á cancha do FSF Móstoles (gañou os tres puntos).
Haberá que prestar atención á pólvora que teña esta tarde Benete, terceira máxima goleadora con 22 tantos no seu haber nesta Primeira División do FSF RFEF 2021-22 xunto con Becha e Ale de Paz.
Estos son os partidos da xornada 30 da Primeira División do FSF da RFEF todos previstos para hoxe, sábado 11/6/22:
- 17:00 Marín Futsal vs CD Leganés
- 18:30 Sala Zaragoza vs AE Penya Esplugues
- 18:30 Arriva AD Alcorcón FSF vs Melilla Sport Capital Torreblanca FS
- 18:30 Rayo Majadahonda AFAR 4 FSF vs STV Roldán FS
- 18:30 Fútbol Sala Femenino Móstoles vs Poio Pescamar FS
- 18:30 Atlético Torcal vs Universidad de Alicante
- 18:30 Joventut d’Elx FS vs Ourense CF Envialia
- 19:00 Pescados Rubén Burela FS vs Atlético Navalcarnero
Este último encontro será case unha final adiantada entre os dous equipos máis en forma da tempada.
