O Poio Pescamar fíxose forte na Seca e sobrepúxose ás baixas para sacar adiante unha traballada vitoria por 3 a 1 ante o Bilbo, que lle permite manterse na quinta praza tras a derrota da Penya Esplugues.
De inicio as rojillas facíanse co mango do xogo dispoñendo de moita presenza en zona de perigo, pero sen acerto na finalización nun choque onde o Poio chegou a estrelar ata en tres ocasión o balón contra a madeira.
Aos nove minutos de xogo, Anna Escribano recibía en banda dereita e tras facer unha xogada persoal superou de disparo raso escorado a Jone para anotar o 1 a 0. O tanto amornou os nervios das locais que pouco despois ampliaban a súa renda co gol de Irene García, a pase de Ana Rivera, para superar a súa marca e bater a Jone.
O conxunto vasco tentou recortar distancias no tramo final dun primeiro acto que xa non sufriría máis variacións. Tras o tempo de lecer, o Poio conservaba o dominio do xogo, pero non lograba frutificalo con podre ampliar a súa renda no luminoso.
Na medianía do período, nun erro na saída de balón, Jess conseguía aproveitaba un balón repelido en curto por Caridad a disparo de Elena para recortar distancias. O curso do partido non variaba, pero o paso dos minutos engadía emoción ao desenlace. Xa co conxunto bilbaíno optando polo xogo de cinco nos últimos compases de envite, chegaría a sentenza en forma de gol de Dani Sousa a porta baleira tras roubo de balón e percorrer a cancha en solitario. Gran vitoria para as galegas que volve á senda da vitoria en Liga.
Entrevista a Clara Rodríguez tras a súa lesión
Esta semana hablamos con Clara Rodríguez para conocer de primera mano la situación del equipo de cara al partido de esta tarde frente al @bilbofutsalfem y cómo está evolucionando de su lesión 💪
Enlace a la entrevista en 👇https://t.co/reEkGnTme9.#PoioPescamar #PoioBilbo pic.twitter.com/xyAQqGELJv
— Poio Pescamar FS (@PoioPescamarfs) February 29, 2020
FICHA TÉCNICA
POIO PESCAMAR: Caridad; Ana Rivera, Mirian, Irene García y Dani Sousa (quinteto inicial). Tamén xogaron, Iria Saeta, Cárol, Anna Escriban, Inés Mayan e Lutxi.
BILBO: Jone; Jess, Andreza, Pitxi y Lais (quinteto inicial). Tamén xogaron, Almu, Seni, Prates e Elena.
GOLES:
1-0, min. 9 Anna Escribano
2-0, min. 14 Irene García
2-1, min. 30 Jess
3-1, min. 40 Dani Sousa
ARBITROS: Marcos Pérez Rodríguez e José Luis Hermida do colexio galego. Recibiron cartón amarelo Jess no Bilbo e Ana Rivera no Poio Pescamar.
INCIDENCIAS: Pavillón da Seca ante máis de 300 espectadores.
