Son semanas moi intensas as que están a vivir na entidade do Poio Pescamar. A gran acumulación de partidos, entre Liga, Copa e Copa Galicia e as múltiples lesións que está a sufrir o equipo non dan tregua as galegas. Todo iso, sumado ao resultados non desexados na competición doméstica. Este sábado terán unha gran oportunidade para darlle a volta á tortilla e sacar sonriso ante a súa xente no pavillón de A Seca ás 18:30. Enfronte terán ao ao penúltimo clasificado, o Bilbo.
Despois da derrota sufrida en Murcia e o empate sen goles na ida das semifinais da Copa Galicia fronte ao Ourense Envialia, a xornada número 22 de Liga preséntase na Seca co Bilbo como convidado. Para este partido, as rojillas contaban coas baixas de Antía e Clara, pero por precaución súmase a esta lista Silvia, despois do golpe na cabeza que recibiu o pasado martes nun lance do partido copeiro e que a obrigou a saír en ambulancia.
Cos efectivos da primeira plantilla baixo mínimos, as conserveiras reciben na casa ao penúltimo clasificado, O Bilbo C. F.S. O conxunto biscaíño tan só logrou 6 puntos e unha vitoria este curso, un meritorio 4–3 na segunda xornada contra a Penya Esplugues, que ocupa actualmente a quinta posición. Con todo, non logran puntuar desde o 2–2 fronte ao Roldán o 8 de decembro e enlazan oito derrotas consecutivas. Iso si, a pasada fin de semana deron unha gran imaxe na pista das nosas coñecidas do Ourense Envialia, onde caeron por 1–0.
Co apoio da afición de Poio, as galegas queren facer un fortín da Seca e repetir vitoria ligueira para non perder corda respecto ao quinto posto. A pesar da clasificación do Bilbo, as de Raúl Jiménez non se poden fiar xa que tras as súas últimas incorporacións, as vascas xa mostraron na pista dos Remedios ser totalmente competitivas e non reflectir ser o equipo máis goleado da Primeira División.
