O Poio Pescamar recibe esta tarde (sábado 12/12/2020) ao Penya Esplugues no Pavillón Príncipe Felipe de Pontevedra. Será contra as 17:00 horas nun partido que se suma á campana NON á Violencia de Xénero que ten en marcha a Xunta de Galicia.
Nesta xornada novena da Primeira División do FutSal feminino estatal, as galegas do Poio teñen que deixar a súa cancha habitual, A Seca debido ás obras que se acomenten na instalación pontevedresa.
As de Manu Cossío aspiran a seguir a súa boa senda desta tempada na Primeira División do Fútbol Sala Feminino da RFEF.
As galegas levan colleitando bos resultados nas xornadas previas coa única excepción do tropezo co intratable Futsi Atlético Navalcarnero co que perderon 6-1. O seus últimos choques supuxeron senllos triunfos. Primeiro vencendo ao Ourense Envialia (1-5) e logo ao Leganés o pasado martes (2-6). En ambos casos xogaron a domicilio.
Antía Pérez (Poio): “A volta de Berta será un salto de calidade no Esplugues”
Antes do partido desta fin de semana compareceron ante os medios as futbolistas poienses Antía Pérez e Irene García. No caso desta última, sinalaba a súa satisfacción polo devir da tempada 2020 -2021. “A temporada está sendo bastante boa. Hai un bo grupo, bo ambiente e iso fai que estemos na racha que estamos agora mesmo”, declaraba a xogadora do Poio Pescamar.
Irene García, futbolista do Poio Pescamar: “A temporada está sendo bastante boa. Hai un bo grupo, bo ambiente e iso fai que estemos na racha que estamos agora mesmo”
Pola súa parte, a deportista Antía Pérez puña en valor o alto nivel do rival pese á súa actual situación. Tamén destacaba a volta dunha das súas mellores futbolistas, Berta, que regresa ás canchas logo dunha lesión. A galega explicaba: “Esplugues sempre é un rival difícil que pon as cousas complicadas. Ademais coa chegada de Berta (pese a qeu salia dunha lesión) será un salto de calidade”.
Antía Perez anticipaba que para ser quen de obter o desexado triunfo para o conxunto galego: “Temos que estar moi serias. Será un partido moi difícile no que teremos que dar un golpe na mesea para chegar ao obxecivo que queremos”.
🎙️ROLDA DE PRENSA| Previa de @antipg8 e @irenegarciadv no partido adicado a campaña NON patrocinado po la @Xunta e @igualdadenarede .
Poio pescamar-@PenyaEsplugues
Pavillon Príncipe Felipe 17:00
📺 YouTube poio pescamar y pic.twitter.com/VDcK6vw3qf— Poio Pescamar FS (@PoioPescamarfs) December 11, 2020
O rival das galegas nesta xornada, o Penya Esplugues, empezou ben o curso ligueiro pero foi perdendo fuelle. O calendario púxoas fronte a rivais que ocupan a zona baixa da táboa no arranque, e venceron a conxuntos como Viaxes Amarelle, Cidade de As Burgas e Teldedeportivo. Pero os seus últimos resultados xa non foron nesa liña. Tiveron que medirse ao Leganés e ao temible Futsi At. Navalcarnero e ao Roldán (segundas na táboa). E os resultados xa non lles foron favorables.
As galegas son cuartas e as catalás quintas. Sepárannas un posto na táboa pero sete puntos. Cinco triunfos, un empate e unha derrota no caso das futbolistas do Poio Pescamar. E tres derrotas e tres vitorias para as da AE Penya Esplugues que teñen un partido pendente de disputa, concretamente contra o Ourense Envialia.
A convocatoria das galegas está conformada polas seguintes futbolistas:
- Miri
- Julia Dupuy
- Iraia
- Antía
- Angostina
- Dani Sousa
- Irene García
- Clara
- Silvia
- Luci
- Caridad
- Carol
- Ana Rivera
CONVOCATORIA| Aquí están las rojillas convocadas para disputar el encuentro frente el @PenyaEsplugues que será retransmitido hoy a las 17:00 h por nuestro canal de YouTube “Poio Pescamar TV” 🖥
¿Os lo vais a perder? 👀⚪️🔴
.
. pic.twitter.com/gr1W8S9o3v— Poio Pescamar FS (@PoioPescamarfs) December 12, 2020
O cruce poderase seguir en streaming a través da canle de YouTube do Poio Pescamar.
