O Poio Pescamar impúxose ao Cidade de As Burgas por 3-0 no duelo de rivalidade galega. As vermellas impuxéronse ás ourensás pese a que baixo paus estaba a cancerbeira do filial, Iria Varela, debido a que nas locais ningunha das porteiras do primeiro equipo podía xogar. Silvia Aguete por lesión, e Caridad por sanción.
O 1-0 que abría este duelo de rivalidade entre conxuntos galegos foi obra de Antía no minuto sete de partido. Case sen tempo a recompoñerse, as ourensás encaixaban o 2-0 no minuto 8 cun remate dende lonxe de Luci.
A presión do Cidade de As Burgas non daba froito e as futbolistas que adestra Manolo Codeso recibían o terceiro tanto antes de chegar a o descanso. O 3-0 foi obra de Dani Sousa nun contragolpe no que recibía o pase de Marian. Pouco puido facer Lastra diante da xogada artellada pola escuadra local.
Tivo o Cidade de As Burgas ocasión de acurtar distancias cun dobre penalti que erraba Fara. O seu disparo deu no traveseiro. O equipo que prepara Cossío tiña así casi sentenciado o choque antes de por camiño a vestiarios.
O xogo de cinco que puxo en pista o conxunto ourensá non deu froitos e o marcador non se moveu na segunda metade por moito que o tentaron as verde e branco.
FICHA TÉCNICA
POIO PESCAMAR: Iria Varela; Luci Gómez, Dani Sousa, Irene García e Julia Dupuy (quinteto inicial). Tamén xogaron: Miriam, Agostina, Antía, Cárol e Ana Rivera.
CIDADE DE AS BURGAS: Lastra; Lucía Nespereira, Fara, Clara e Sol (quinteto inicial). Tamén xogaron: Amelia, Canolich, Aroa, África, Lucía Vázquez, Carlota, Sonia Pacios e Nahir.
GOLES: 1-0, min. 7 Antía. 2-0, min. 8 Luci. 3-0, min 15 Dani Sousa.
ÁRBITROS: Gallo Suárez e Hevia Campa do colexio asturiano. Amoestaron a Mirian, Antía e Julia no Poio Pescamar e a Manolo Codeso, adestrador do Cidade de As Burgas.
INCIDENCIAS: Partido da Primeira División do Fútbol Sala Feminino da RFEF disputado na Seca. O encontro, duelo de rivalidade galega, disputouse con público, pero con límite de aforo debido á pandemia de COVID-19. O Cidade de As Burgas estreaba equipación na que por vez primeira lucía o logotipo dun patrocinador, a empresa GLS.
ESTRENO 📣📣
En el partido que hoy disputará el primer equipo frente Poio pescarmar, estrenaremos la nueva equipación para la temporada 2020/2021.
Por primera vez en la historia del club, luciremos patrocinador.
Aquí va un adelanto👌 pic.twitter.com/A4kHtZDsMR— Cidade de As Burgas FS (@cidadeasburgas) October 31, 2020
