A Primeira División de futsal trae de novo un duelo entre dous conxuntos galegos, desta vez da metade superior da táboa do Grupo A. O Poio Pescamar e o Ourense Envialia cítanse no pavillón de A Seca este sábado, 6 de marzo, ás 19:00 horas.
Actualmente, ambos galegos forman parte da zona superior da clasificación, aínda que están a oito puntos de distancia. As xogadoras do Poio están mellor situadas, sendo segundas con 31 puntos e dous partido menos, xa que teñen pendente xogar a 11ª contra o Roldán, o próximo mércores, e a 15ª xornada contra o Futsi Atlético o 20 de marzo. Este partido pechará a primeira fase e previsiblemente nel decidirase ao líder de grupo.
Pola outra banda, con 23 puntos e na cuarta posición, están as futbolistas do Ourense Envialia, que levan un balance de sete vitorias, dous empates e catro derrotas. As de Morenín levan catro partidos sen coñecer a vitoria, e volven a Galicia despois de recuperar o encontro co Futsi e recibir un 4-1 en contra.
Porén, a diferenza numérica non debe tomarse como sinal dun partido desequilibrado. As visitantes ven poden dar a sorpresa, como as locais poden seguir aumentando a súa racha de vitorias, que actualmente se sitúa en seis consecutivas.
Poio – Envialia en Copa
O encontro máis recente entre estes dous clubs estivo na Copa da Raíña desta tempada. Nela, celebrada no pasado mes de xaneiro, as ourensás eliminaron ás vermellas nun encontro moi igualado.
O duelo tivo que decidirse na tanda de penaltis, xa que unha vez pasados os 40 minutos reglamentarios, o marcador estaba conxelado no 3-3.
O Ourense Envialia sigue adiante na Copa da Raíña e o Poio, apéase da loita polo título do KO
Distinta sorte correron ambos equipos no partido da ida na Liga. O plantel de Cossío levouse unha vitoria a domicilio cun 1-5 final. Nesta nova ocasión, Morenín non poderá dispoñer de todas as súas xogadoras, así que para evitar outra derrota ligueira deberá replantexar o seu xogo.
Comeza outra maratón do Poio
Despois de recibir ás ourensás, as vermellas volverán á pista o mércores, 10 de marzo, para recuperar a undécima xornada co Roldán.
Un par de días despois, o Poio disputará a 18ª xornada, a última de non ser polos encontros adiados, contra o Penya Esplugues, na fin de semana do 14.
