O sábado 31/10/20 ás 19:00 horas no pavillón A Seca terá lugar o cruce entre Poio Pescamar e Cidade de As Burgas. A TVG transmitirá o partido.
A tempada de liga 2020-21 tería que arrincar na Primeira División do Fútbol Sala feminino da RFEF cun duelo entre conxuntos galegos que protagonizarían o Ourense Envialia e o Viaxes Amarelle. Pero o illamento por contacto directo cun positivo do plantel ourensá adiou a cita. Agora, na terceira xornada outros dous conxuntos galegos protagonizan ese primeiro duelo entre plantillas da nosa comunidade.
Para este encontro o adestrador local, Manuel Cossío, ten dúas baixas notables e ambas as dúas no mesmo posto: a portaría. O Poio Pescamar terá que medir forzas co Cidade de As Burgas sen ningunha das gardametas do primeiro equipo. Dunha banda Caridad foi expulsada diante do Roldán na última xornada, e da outra Silvia Aguete ten unha escordadura do ligamento interno nun xeonllo. Chegou polo tanto o gran momento para as cancerbeiras do filial: Aroa e Iria Varela.
Non será o debut para Iria que con so 15 anos xa ten xogado co primeiro equipo e xogando un bo papel baixo paus.
CONVOCATORIA|
Trece rojillas convocadas para disputar el encuentro de mañana 🆚 Cidade das Burgas que será retransmitido por la 📺 TVG 2 😁
.
.#enceplansocialpontevedra #poiomovese #somosabanca #deputaciondepontevedra #xuntadegalicia #NON pic.twitter.com/nDy6187WJj— Poio Pescamar FS (@PoioPescamarfs) October 30, 2020
As vermellas disputaron unicamente un partido, foi contra o Roldán e empataron 1-1. Pola súa parte as futbolistas que adestra Manolo Codeso caían derrotadas na primeira xornada por un contundente 6-1 na súa visita ao equipo da AE Penya Esplugues. Debido aos poucos partidos disputados no grupo e á contundencia do marcador, as futbolistas ourensás ocupan nesta terceira xornada o último lugar na táboa clasificatoria. Pola súa parte as de Poio son cuartas.
No Poio Pescamar todas as futbolistas e corpo técnico deron negativo nos test previos de detección da COVID-19.
PLENO DE NEGATIVOS|
Quinta vez de la plantilla en pasar test y quinta vez con pleno de negativos.
Sábado a las 19:00h 🆚 Cidade das Burgas por la TVG 2 👀#enceplansocialpontevedra #poiomovese #somosabanca #deputaciondepontevedra #xuntadegalicia #NON pic.twitter.com/JduRB0qCn0— Poio Pescamar FS (@PoioPescamarfs) October 29, 2020
