O partido de Vista Alegre desta fin de semana ben podería ser unha final e das grandes. Pero non. Esta vez o Poio Pescamar visita ás Guerreiras Laranxas do Burela só para dirimir tres puntos en xogo na competición de Liga. O partido está fixado para mañá, sábado 3 de abril ás 17:00 horas en Burela. O encontro poderá seguirse en directo pola web da CRTVG, ademais de poder gozar de previa e post partido na canle do club local: BurelaFS.tv.
En canto ás baixas este será o segundo partido de suspensión do técnico local Julio Delgado, logo da sanción recibid ante o Móstoles FSF. E unha escordadura de nocello impedirá a Elena Aragón entrar na convocatoria para este encontro.
A da Mariña e as de Pontevedra enfróntanse na segunda xornada da segunda fase da Liga de Primeira División feminina de fútbol sala da RFEF. Un reencontro sobre a cancha entre galegas que protagonizaron finalísimas como a de Copa de la Reina Málaga 2020 ou a Supercopa de España Burela 2021. O Poio Pescamar FSF e o Pescados Rubén Burela FS póñense de novo fronte a fronte, pero esta vez en liga.
A futbolista do Pescados Rubén Burela, Dany, falaba deste encontro e afirmaba que as Guerreiras Laranxas tiñan “una cita moi especial, con emoción de derbi, na cada e coa nosa afección. Será o primeiro duelo galego de Liga en Vista Alegre”, puntualizaba a deportista sobre o cruce co Poio.
Daniela Domingos López, Dany, confesaba que as da Mariña esperan “que todos poidamos gozar dun gran partido e que os tres puntos queden aquí”.
Ver esta publicación en Instagram
Dany é a autora do último tanto laranxa no historial recente entre as pontevedresas e as de Burela. O seu 2-0 xustamente lle concedía ao Pescados Rubén Burela a súa terceira Supercopa de España o pasado 9 de xaneiro na Bomboneira ante o Poio.
Agora, case tres meses despois, as dúas escuadras reencóntranse no mesmo escenario coa estela engadida desa final de Copa da Raíña do 20 de decembro na que as Guerreiras Laranxas tamén se alzaron con título cun 1-0.
Pola súa parte, o Poio Pescamar chegará a Vista Alegre con moitísimas ganas de rematar con esa dinámica de suerte que acompaña ao Burela nos cruces que as enfróntan nos úlitmos tempos.
“A fortuna acompañounos grazas ao noso traballo”, explicaba a pívote hispano-brasileira Dany. “Agora o Poio Pescamar vai vir con ganas de revancha, e tamén virán con ganas de demostrar. Pero nosoutras estaremos aí para impoñer o noso ritmo de xogo e non facer concesións ao rival”, advertía a Guerreira Laranxa.
Na opinión de Dany Domingos, este momento de competición na Primeira División é “unha fase moi bonita pero tamén moi complicada, con sorpresas”. Na opinión da hispano-braseleira “non se pode perder a concentración nin un só segundo”.
Tanto Poio como Burela empezaron a segunda fase puntuando
Os dous equipos galegos, Poio Pescamar e Pescados Rubén Burela, quererán, nesta segunda xornada da fase de loita polo título, dar continuidade aos seus respectivos bos inicios nesta nova etapa competitiva.
No caso das burelistas, as deportistas que adrestra Julio Delgado anotáronse a a vitoria ante as terceiras galegas que loitan polo entorchado estatal: o Ourense Envialia FSF. As da Mariña venceron ás ourensás 1-4.
Pola súa parte, o Poio Pescamar que adestra Manu Cossío colleitou un valiosísimo empate diante do conxunto revelación da tempada 2020-21: o Torreblanca Melilla. As taboas foron 1-1.
Con público e con entradas á venda para o derbi co Poio
Neste tempo de pandemia e de redución de aforos nos recintos deportivos convírtese en noticia, e boa, o feito de que o Pescados Rubén Burela poida poñer á venda entradas, e que xustamente o poida facer neste derby co Poio. Así, segundo comunica a entidade lucense, por primera vez en toda a temporada, Vista Alegre podrá abrir a venta de entradas para persoas non aboadas. No caso das persoas que teñan abonos mixto u feminino, o acceso ao recinto deportivo é de balde.
Poranse á venda un total de 50 entradas, a partir das 16.15 horas, sendo imprescincible presentar o D.N.I. para poder adquirir unha entrada. Os prezos son os seguintes:
- Persoas non socias: 15 euros
- Persoas socias sen abono: 10 euros
