O imparable Poio Pescamar atopou o seu freo en Murcia. Unha contundente defensa do STV Roldán FSF impediu que as galegas atinasen na súa portería, á vez que cun efectivo ataque sumaban no seu casilleiro. O resultado final (4-1) da tres puntos ás locais que se colocan como segundas, por riba das galegas.
Este encontro celebrado entre semana era a recuperación da undécima xornada, adiada por COVID-19. Nel citábanse segundo e terceiro clasificado, dous equipos que loitan por estar no máis alto cara a segunda fase.
O Poio foi de menos a máis
A igualdade prevíase como tónica deste encontro, no que o Roldán saltou forte á súa propia cancha e golpeu primeiro. Un gol no terceiro minuto, obra dun disparo raso de Lola, adiantaba ás murcianas.
Ante este ataque certero, o conxunto que adestra Manu Cossío posicionouse cunha defensa en media pista, agardando á súa oportunidade de contraatacar. Sousa, Irene e Ana Rivera tiveron as súas ocasións, pero o gol chegaría aos 10 minutos, grazas a Luci. A futbolista robou un envío das locais nos tres cuartos, anotando finalmente no rechace do seu primeiro lanzamento.
Co empate no marcador a igualdade reinaba sobre o terreo de xogo. Ambos equipos tiñan ocasións, pero as súas acertadas gardamentas impedían que o resultado se movera. O Poio case se adiantou cun remate de Antía Pérez tras un córner, e a tivo o Roldán tamén xusto antes do descanso, pero Ana Rivera impediu que se transformara en gol.
Segunda parte para esquecer
A pausa desconectou ás pontevedresas do duelo. Tras só trinta segundos sobre a pista, Miriam cometeu un penalti sobre Alba Gadía, que Ángela Gorriz se encargaría de transformar. Así, o Roldán situábase xa por riba, metendo ao Poio atrás.
As xogadoras de Cossío xogaban tensas e nerviosas, polo que cometeron tres faltas en tres minutos, co terciero gol das murcianas sobrevoando a portería visitante. Ana Rivera rozou o gol que suporía o empate despois dunha contra, pero a porteira rival desbaratou os seus plans.
Coa quinta falta de Antía Pérez, e aínda con once minutos por diante, Cossío intentaba reactivas ás súas, faltas de concentración e actitude. De pouco serviron as súas palabras, xa que o Roldán tivo dobre oportunidade no minuto 35, sen materializalas grazas a Caridad.
Cando si puideron acertar foi no último minuto. En cuestión de 60 segundos o partido pasou do 2-1 ao 4-1 final. O primeiro destes goles finais chegou da man de Lola, aproveitando unha perda ne situación de xogo de cinco. O segundo, case sobre o pitido final, foi obra de Ángela Gorriz. Unha derrota xusta que fai que o Poio perda a posición de prata.
Apoio ao 8M
Antes do encontro, ambos equipos mostraron o seu apoio ao 8M, o Día Internacional da Muller. Con pancartas que rezaban “o partido pola igualdade o xogamos todas”, as xogadoras de ambos equipos quixeron rememorar esta data.
1ª División-J11 | Antes de comenzar el partido ambos equipos muestran su apoyo por el 8M, Día Internacional de la Mujer.
STV ROLDÁN vs @PoioPescamarfs
💻 en directo en Popular TV y https://t.co/DUtoRwYAnh
🧡 ¡VAMOS EQUIPO! pic.twitter.com/3AtrjQOCKJ
— STV Roldán FSF (@RoldanFSF) March 10, 2021
Revive o Roldán – Poio
Se non puideches ver o partido, ou quedaches con ganas de revivilo, dálle ao play!
FICHA TÉCNICA
4) STV ROLDÁN FSF: Cristina, Noelia Montoro, Alba Gandía, Lola, Ángela Gorriz – quinteto inicial -. Tamén xogaron: Almudena, Marta, Riscos, Andrea, Consuelo, Mariángeles, Cristi.
1) POIO PESCAMAR: Caridad, Ana Rivera, Luci, Mirian, Antía Pérez –quinteto inicial-. Tamén xogaron: Silvia, Dupuy, Irene García, Iraia, Chiesa, Dani Sousa, Clara, Carol.
GOLES: 1-0 Lola (min. 4). 1-1 Luci (min.11). 2-1 Ángela Gorriz, de penalti (min. 21). 3-1 Lola (min. 40). 4-1 Ángela Gorriz (min. 40).
ÁRBITROS: Hidalgo Marín e Castillo López (Comité murciano). Amonestou con tarxeta amarela ás xogadoras visitantes Mirian, Dupuy e Antía Pérez.
INCIDENCIAS: Partido correspondente á 11ª xornada do Grupo A da Primeira División Nacional Feminina de Fútbol Sala RFEF celebrado no pavillón Gabriel Pérez.