Despois de coñecer o adiamento da primeira xornada de liga este pasado mércores pola tarde, o Viaxes Amarelle FSF de Jorge Basanta buscou a alternativa de poder dar continuidade ao ritmo de competición buscando un rival para un amigable. Tras coñecerse tamén o retraso na disputa do partido do encontro do Poio Pescamar FSF, ambos os equipos optaron por disputar un encontro amigable, que terá lugar este sábado 17 de outubro de 2020 no Pavillón Municipal de Novo Mesoiro (A Coruña), recibindo ao Poio Pescamar FSF a partir das 16:00 horas.
O rival das herculinas para este fin de semana, será o Poio Pescamar FSF, equipo asentado na categoría e que loita nas últimas campañas por pelexar postos na zona nobre da táboa, cun equipo que combina mocidade e experiencia a partes iguais.
Na presente tempada, o Poi Pescamar vai buscar estar no máis alto. Xa demostrou o seu bo facer nos seus partidos de pretemporada onde selo táboas contra un dos favoritos ao título de liga, o Burela Pescados Rubén FSF. Tamén no anterior amigable que disputou contra as herculinas, impúxose por un marcador de 6-2.
O conxunto de Poio atopouse co adiamento do encontro de Copa Galicia Feminina FS que tiñan que disputar o pasado fin de semana contra o Ourense Envialia, e o da primeira xornada de liga, que os levaba a enfrontarse contra o CD Leganés, este fin de semana, polo que tanto herculinas como pontevedresas quixeron continuar a súa preparación e non deixar esta fin de semana en branco.
Boas novas no Poio coa recuperación de Clara Rodríguez
Precisamente esta semana o Poio Pescamar anunciaba o alta médica de Clara Rodríguez, logo de que a futbolista estivese oito meses no dique seco por mor dunha lesión no ligamento cruzado anterior.
Ver esta publicación en Instagram
O equipo herculino, dirixido por Jorge Basanta, quere dar continuidade a un partido semanal antes do inicio oficial da competición; e por iso repite rival nun amigable de pretemporada; e tentar ir collendo minutos sobre a cancha.
As xogadoras herculinas, tratarán de pelexar por facer un digno papel fronte a un rival que no anterior amigable adiantouse moi rápido no marcador, por erros en defensa; que tratarán de liquidar neste novo encontro de pretemporada; e seguir collendo forma para o inicio oficial da competición de Primeira División Nacional Feminina de Fútbol sala.
Para este cuarto test de pretemporada, as herculinas recibirán no Pavillón Municipal de Novo Mesoiro (A Coruña) este sábado 17 de outubro de 2020, onde se enfrontarán desde as 18:00 horas contra o Poio Pescamar FSF.