Avisaba Geluco Villar durante a previa que o partido ía ser moi duro ante un dos candidatos para subir á máxima categoría. E non se equivocaba o mister galego. As lucenses notaron moito a ausencia no centro da zaga de Andrea e o Eibar non perdonou. As armeras protagonizaron un brillante inicio de partido e foron moi superiores ás galegas durante os primeiros intres.
As eibarresas cimentaron o seu triunfo nun inicio de partido espectacular. Sara Navarro adiantou ao equipo ao minuto 7. E apenas, trinta segundos máis tarde, Kuki ampliou a renda no marcador. As de Iker Dorronsoro atopábanse cómodas no terreo de xogo e demostrábano a base de goles. Ao final do primeiro tempo, o Peluquería Mixta Friol posicionouse mellor defensivamente e o duelo equilibrouse.
Na continuación, as galegas tentaron reducir distancias cun gol que lles metese no partido e apretaron con máis intención que acerto. O Eibar, pola súa banda, conseguiu xestionar a renda á perfección, volvendo demostrar por que son o equipo menos goleado da categoría. A galega Malena Mieres e a liña defensiva impediron que as pupilas de Geluco Villar culminasen alguna das ocasións e puidesen recortar distancias para meterse de cheo no encontro.
Na recta final, e mercé ás rotacións desde o banco, as armeras volveron a dispoñer de ocasións á contra. Así cheguou o tanto da sentenza obra de Irantzu. A dianteira sacou o máximo rendemento aos seus minutos no campo para anotar o terceiro e último gol que deixa as lucenses na 14ª posición da táboa. As amarelas pensan agora na saída da vindeira xornada para xogar contra o Zaragoza.
