Chegaba o Peluquería Mixta Friol ao partido desta xornada 21 na Liga Reto con boas sensación tras gañar na pasada xornada ao Atlético de Madrid B na Reigosa. Non puido repertir xesta e as galegas caeron na Cidade Deportiva Joan Gamper por 6-0 ante o filial cule.
Covi, xogadora do Friol: “A vitoria contra o Atlético de Madrid quitounos bastante presión, porque levabamos bastantes xornadas sen gañar e aínda que somos conscientes da dificultade da categoría, adéstrase mellor cando vés de gañar o domingo”.
A anécdota estivo que o partido comezou con 15 minutos de retraso por ausencia dun dos membros do trío arbitral. No seu lugar, actuou como segunda asistente, Marina Moline, arbitra do colexio catalán da delegación de granollers. O Friol quixo tratar de impoñer o seu xogo pero rápido o Barça adiantouse no marcador por medio de Jana tras unha falta na frontal da área.
Poñíase moi custa arriba dar a sorpresa en terras catalás pero o Friol, aínda así, mantívose no partido e ata dispuxo de algunha boa ocasión para empatar o encontro. A falta de 10 minutos para o descanso, Morato facía o segunda para as culés tras unha xogada de pizarra nunha falta lateral que a 9 blaugrana remataba con acerto ao segundo pau. 2-0 no marcador, descanso e 45 minutos que faríanse moi longos para as de Geluco Villar.
Covi, xogadora do Friol: “Seguimos con xogadoras lesionadas, neste inicio de 2020 as lesións non nos están respectando, e aínda non completamos unha convocatoria na que todas as xogadoras estean ao 100%, esperamos que aos poucos vaiamos recuperando xogadoras e nas próximas xornadas o equipo poida render ao seu nivel”.
A pesar de ir por debaixo no luminoso, a primeira parte das galegas foi moi digna, nun dos campos máis difíciles da categoría. O Barça, fiel ao seu estilo, dominou e foi dono do xogo pero o Friol tivo algunha ocasión clara para empatar ao contraataque. Tras o tempo de refresco o Barcelona subiu un puto o ritmo e rompeu o partido.
Minuto 60 de partido e Claudia facía o terceiro e decantaba definitivamente o partido para as catalás. O gol chegaba tras unha xogada por banda dereita e remate ao segundo pau. Nos últimos 15 minutos de partido chegaría o cuarto gol de Carla tras un rexeite nunha falta e os dobretes de Claudia e Morato. Demasiado castigo para as pupilas de Geluco Villar.
Covi, xogadora do Friol: “O único positivo de ter tantas lesionadas é que nesta segunda volta están a ter a oportunidade de debutar nesta categoría algunha xogadoras do filial, para as cales é unha motivación poder ir co primeiro equipo e están a facer un bo papel os minutos dos que dispoñen”.
