As lesións no cesan no Friol e seguen a castigar sen piedade ao conxunto dirixido por Geluco Villar. Ainda así, as lucenses plantan cara en cada encontro que xogan e non perden as ganas nin a ilusión. “A de hoxe foi unha derrota dura, pero non só polo resultado senon tamén porque voltamos para Lugo con tres xogadoras lesionas, máis as que xa temos na enfermería”, aseguraba Villar tras o encontro.
A pesar de contar con tan só tres cambios no banco e coas múltiples baixas que azotan as galegas, o Friol volveu a plantar cara ainda que caeron pola mímina de 1-0 no Santa Cruz de Bezana e voltaron de Santader de baleiro. A primeira parte foi moi competida cun equipo galego que plantexou un gran xogo e que puxo en dificultades ao Racing.
Geluco Villar, adestrador do PM Friol: “Completamos unha gran primeira parte e plantámoslles cara a un gran equipo. Foi un partido moi disputado a pesar das numerosas baixas”.
Pesadelo na segunda metade
Tras a gran primeira parte das nosas lucenses, a segunda parte foi un pesadelo. “Ao comezo da segunda metade xa tiven que cambiar a Fanny por lesión e ao pouco, lesionouse Andrea no talón”, lamentábase Geluco da mala sorte que está a ter o equipo.
Aos poucos minutos da segunda metade, chegaba o único gol do partido, de penalti para o Racing. Unha pena máxima moi dudosa e protestada polas galegas. As malas novas non viñeron soas e saltaban todas as alarmas cando Lucía Pardo caía ao chan lesionada no xeonllo.
Geluco Villar, adestrador do PM Friol: “Lesionouse Lucía Pardo no xeonllo, esperemos que non sexa grave porque é unha xogadora moi importante para nós. Ten moito mérito aguantar con dez xogadoras varios minutos e cunha porteira xogando como xogadora de campo”.
Coa lesión de LP, saíu Aroa (porteira suplente) como xogadora de campo e minutos despois caería lesionada a nova fichaxe Marta, polo que o Friol xogaría os 10 minutos finais cunha menos sobre o verde. Un auténtico pesadelo o de este ano coas lesións.
Ao final, co 1-0 final, as galegas voltan cara Friol coa enfermería chea e con 16 puntos no casillerio que deixan as galegas 6 puntos por riba do descenso da Liga Reto, a expensas do resultados do resto dos equipos. Na vindeira xornada, as amarelas volven a xogar fóra, esta vez en Oviedo, contra o Oviedo Moderno.
Geluco Villar, adestrador do PM Friol: “Estamos nunha situación complicada, xa non só polos resultados senón pola plaga de lesións que nos está castigando moito. O mercado de fichaxes está a piques de pechar pero non temos moitas opcións para incorporar”.
