O equipo da Selección Española de voleibol, coñecido como as Leonas, finaliza os encontros amistosos bilaterais con Suíza cun pleno de vitorias. As xogadoras do combinado estatal lograron dous trunfos nos partidos previos ao Campionato de Europa.
O conxunto dirixido por Pascual Saurín contou coa participación das galegas Lucía Prol, Majo Corral, Lucía Varela e Helia González, ademais da xogadora do Emevé, Inma Lavado.
Os amigables da Selección Española con Suíza
No primeiro amigable, as españolas impuxéronse as suízas cunha vitoria no tie break. No sete inicial participaron Prol e Varela. Os sets alternáronse nas mans de vermellas e helvéticas, ata que na manga decisiva as Leonas impuxéronse.
O conxunto de Saurín mostrou a súa capacidade de reacción para igualar en dúas ocasións ao conxunto de Suíza, ata dobregalas no set definitivo.
Na segunda cita, tamén foi necesario un quinto set para decidir o equipo gañador. Neste encontro Prol repetiu como titular, acompañada da galega Majo Corral. As españolas volveron a superar a dobre vantaxe obtida polas suízas coa dirección de Ariadna Priante, a MVP do encontro, para forzar o desempate e dominar ao final.
A Selección Española acumulou así ritmo de xogo nun igualado encontro previo ás seis finais do Campionato de Europa.
3er set SUI 28-26 ESP (2-1) @RFEVB pic.twitter.com/c0lGxxEeaa
— Las Leonas del Voley (@VoleyFemAbs) May 4, 2021
Comeza o Campionato de Europa de volei feminino para as Leonas
Agora será o turno de competir polo Campionato de Europa. Tras a súa gran experiencia no 2019, onde caeron en oitavos de final ante Polonia, as xogadoras da Selección Española aspiran a ser dignas rivais no continental.
O conxunto vermello quedou encadrado no grupo C, con Grecia, Austria e Noruega como rivais. Os dous primeiros clasificados de cada grupo accederán á fase final, que terá lugar entre o 15 e o 30 de agosto en Croacia, Rumanía, Bulgaria e Serbia.
Ya estamos en Larisa 🇬🇷 entrenando en el pabellón de juego Neapolis @CEVolleyball Rumbo al #EuroVolleyW @RFEVB pic.twitter.com/tti3UYc5q1
— Las Leonas del Voley (@VoleyFemAbs) May 6, 2021
Todos os encontros das dúas fases de clasificación (esta semana en Grecia e os tres seguintes en Austria), serán retransmitidos por streaming a través de +TDP, a falta de confirmar as emisións en diferido por Teledeporte.
Os seis partidos poderán seguirse nesta ligazón, cos comentarios de Paloma del Río e Carmen Corcelles.
