Os catro conxuntos galegos da máxima categoría do futsalfem español saíron vitoriosos do seu concurso na sétima xornada de Liga. O Marín Futsal gañou 5-3 ao Juventud D’ Elx FS, o Pescados Rubén Burela endosoulle un rotundo 7-0 ao Fútbol Sala Feminino Móstoles, o Poio Pescamar impúxose por 2-4 ao CD Leganés a domicilio e o Ourense Envialia fixo o propio co Universidade de Alicante 3-4.
Logo de dúas derrotas consecutivas o Poio Pescamar reencontrouse co doce sabor do triunfo. Fíxoo a domicilio impoñéndose ao CD Leganés por un marcador de 2-4 logo de empezar perdendo o partido. Triunfo con remontada incluída polo tanto para as xogadoras que adestra Manu Cossío. Os goles das conserveiras foron de Jane de penalti, Ana Rivera en dúas ocasións e Luci. A solidez en defensa foi o elemento chave para que o Poio volvese gañar.
Este resultado coloca as pontevedresas quintas con 11 puntos. A vindeira semana mídense ao líder, Atlético Navalcarnero. O partido terá lugar na Seca o sábado 20 de novembro ás 18:30 horas. As madrileñas seguen invictas, suman 39 goles e so encaixaron 9. Son as máximas goleadoras da Primeira División do Fútbol Sala Feminino da RFEF e a segundas menos goleadas. So o Pescados Rubén Burela ten menos goles encaixados (6).
Goleada do Burela ao Móstoles no partido do NON
E falando das da Mariña, a súa goleada desta xornada foi épica. Sete goles a cero foi o marcador das fútbolistas que adestra Lucas. Vista Alegre viviu un auténtico festival de goles no partido adicado á Loita pola Igualdade. O Pescados Rubén Burela chegaba ao descanso cun 2-0 no marcador. Ale de Paz anotaba o primeiro con so dous minutos de xogo disputados. Foi Cami que acadou o segundo a 34 segundos do fin da primeira metade.
Á volta de vestiarios o 23 foi un minuto máxico para as lucenses. Caeu o terceiro, obra de Ale de Paz e Emilly asinou o cuarto tirando partido de ter diante e si á porteira visitante adiantada. Non tivo abondo Ale de Paz con dous goles que se fixo co hat trick no minuto 30. De seguido anotaba Cilene o 6-0 e no 31 Elenita subía o sétimo ao marcador.
Este partido dedicouse á Loita contra a Violencia de Xénero dentro do II Plan de Patrocinio de Equipos Femininos da Xunta de Galicia.
O Pescados Rubén Burela mantense na segunda praza. Nada se moveu nos catro primeiros postos, gañaron os tres primeiros e so perdeu o cuarto, o Fútbol Sala Femenino Móstoles que topou de fronte cun Burela inspirado cara a porta e cargou de volta a terras madrileñas cun pesado 7-0 ao lombo.
Tras sete xornadas o Ourense Envialia é sexto
O triunfo do Ourense Envialia ante o Universidad de Alicante serviulle ás futbolistas que adestra Gonzalo Iglesias Morenín para escalar postos na clasificación. A vitoria foi por 3-4 na cancha alicantina. Iria Saeta volveu anotar e por partida dobre. Tamén o fixeron María Arias e Laura Uña que anotaba así o tanto que pechaba o marcador electrónico, foi enganchando cunha volea un saque dende o curruncho.
O Marín Futsal suma o terceiro triunfo con remontada e chega á sétima praza
As deportistas do Marín Futsal seguen confirmándose como un equipo a ter en conta. O técnico avisaba a pasada semana, “Non estamos aquí de paso”, dixo. A cada xornada que pasa parece confirmarse que, efectivamente, o Marín Futsal chegou á elite para quedar. Desta volta impúxose ao Joventut d’Elx FS por 5-3 logo de ir perdendo 0-2 aos dez minutos de xogo. As galegas recompuxéronse e remontaron un partido ata en dúas ocasións (0-2 e 2-3) deixando ao seu rival como faroliño vermello.
O 2-2 foi outro golazo de Jessi Café que se está afacendo a asinar tantos destacados cada xornada na máxima categoría do futsalfem estatal. Mirade o desta sétima.
⚽️Goles de Fútbol Sala Femenino – 1ª División
🟣Jessica “Café”, solo marca golazos.
Ojo al golpeo de la jugadora de @marin_futsal en el partido ante @Joventutdelx.
Comn este gol empatan momentaneamente gallegas e ilicitanas.📺Vía RFEF pic.twitter.com/JMoj8wW8Bi
— ZonaFutsal (@infozonafutsal) November 13, 2021
Curiosamente a deportista aínda anotaría o 2-2 e tamén o 3-3 os dous momentos nos que o partido estivo empatado, a excepción do 0-0 de inicio. O terceiro foi a pase de Gabi índose da súa marca e fusilando á porteira visitante.
E por último, así traballou o conxunto que adestra Raúl Jiménez o quinto e definitivo gol do partido. Construíndo desde atrás, tocando o balón, movéndose entre liñas, buscando os ocos e anticipándose ás rivais ata ver porta. Podes velo neste chío. O gol é de María León, pero a xogada, de todo o bloque.
⚽️Goles – 1ª División – Fútbol Sala Femenino
🟣Gran jugada colectiva de @marin_futsal y María León marca el definitivo 5-3 favorable para las gallegas ante @Joventutdelx.
📺Vía Canal RFEF pic.twitter.com/Raedtjm2Bk
— ZonaFutsal (@infozonafutsal) November 13, 2021
XORNADA 8ª PRIMEIRA DIVISIÓN FÚTSALFEM RFEF
SÁBADO 20/11/21
- 16:00 | AE Penya Esplugues – Universidad de Alicante
- 17:00 | Ourense CF Envialia – CD Leganés
- 18:00 | Joventut d’Elx FS – Atlético Torcal
- 18:00 | Melilla Sport Capital Torreblanca FS – Rayo Majadahonda AFAR 4 FSF
- 18:30 | Poio Pescamar FS – Atlético Navalcarnero
- 18:30 | Sala Zaragoza – STV Roldán FS
- 18:30 | Fútbol Sala Femenino Móstoles – Marín Futsal
DOMINGO 21/11/21
- 13:30 | Arriva AD Alcorcón FSF – Pescados Rubén Burela
Todos os partidos desta categoría emítense en vivo nas webs oficiais da RFEF e LIVE Vuvuzela.
