Un positivo en COVID-19 nas filas do Durán Maquinaria Ensino motivaba o adiamento do partido das lucenses contra do Valencia Basket. Agora o club comunica que novas probas PCR arroxan resultados negativos en todo o corpo técnico e xogadoras do equipo galego.
Las nuevas pruebas realizadas a todo el cuerpo técnico y jugadoras del Ensino han devuelto resultados negativos. El equipo espera volver a entrenar para preparar la vuelta del PlayOff en breve. #SomosEnsino
Más información ⤵️https://t.co/rh7k0Q9Hp0 pic.twitter.com/rN3Y6pwpiL
— Ensino Lugo (@EnsinoLugoCB) April 4, 2021
Logo do partido de ida dos cuartos de final da Liga Feminina Endesa da FEB, o Durán Maquinaria Ensino realizaba os pertinentes test de detección da COVID-19 de cara ao partido de volta, que estaba previsto para disputarse nesta fin de semana. O positivo neses test dun membro do primeiro equipo lucense derivou no protocolario confinamento de todo o grupo, á espera da realización de novas probas.
Como consecuencia, o partido de volta que estaba previsto disputarse contra o Valencia Basket tivo que ser aprazado.
Un positivo no Ensino adía o partido de volta do ‘play-off’ co Valencia
Agora, o Durán Maquinaria Ensino comunica que “as novas probas realizadas a todo o corpo técnico e xogadoras do Ensino devolven resultados negativos” en COVID-19 nas PCR realizadas. Así o equipo galego “espera volver adestrar para poder preparar o partido de volta do play-off polo título da Liga Feminina Endesa de baloncesto.
Seguen confinadas polo protocolo COVID-19
Con todo, e seguindo o protocolo de prevención da transimisión da COVID-10, o equipo vai seguir confinado nos seus domicilios á espera de que as autoridades sanitarias lles concedan permiso para adestrar e preparar o partido ante o Valencia Basket.
O Ensino plántalle cara ao Valencia Basket pero non evita a derrota (58-69)
